Елизавета Долгова страницинчен илнӗ сӑнӳкерчӗк

Чӑваш Енре тӗнче тӑрӑх сапаннӑ йӑхташӑмӑрсем ҫинчен кӗнеке пичетлесе кӑларасшӑн. Ку хыпара эпир Чӑваш наци наукӑпа ӳнер академийӗн яваплӑ секретарӗ, Чӑваш Енри тата Раҫҫейри писательсен союзӗсен пайташӗ Елизавета Долгова тӗнче тетелӗнчи хӑйӗн страницинче хыпарланӑ тӑрӑх пӗлтӗмӗр.

Хастар ентешӗмӗр «Землячества чувашей всего мира» ятпа кӗнеке пичетлесе кӑларма ӗмӗтленет. Ун валли материалсене пӗрчӗн-пӗрчӗн пухса хатӗрлеме тивӗ. Ҫавна май вӑл чӑваш автономийӗсен, ентешлӗхӗсен, пӗрлӗшӗвӗсен ертӳҫисене, вӗсен хастарӗсене килӗштерсе ӗҫлеме чӗнсе каланӑ.

Лауреат палли

Нестер Янкас ячӗллӗ пӗрлӗх 2022 ҫулшӑн литературӑпа ӳнерте тата культура аталанӑвӗнче палӑрнӑ пултаруллӑ ҫынсене Нестер Янкас ячӗллӗ Преми памашкӑн кандидатсем тӑратмашкӑн халӑх умне сӗнӳпе тухать. Кандидат ҫинчен калакан автобиографипе характеристикӑна тата ӑна тӑратакан организацин ыйтса ҫырнине Преми паракан комиссине 2023 ҫулхи нарӑсӑн 20-мӗшӗччен ҫитермелле.

Нестер Янкас ячӗпе хисепленекен преми тӗллевӗ ҫакӑн пек: чӑваш культурипе искусствине, литературипе чӗлхине аталантарас, культурӑпа истори палӑкӗсене упрас, халӑхсен туслӑхне ҫирӗплетес, ӳссе ҫитӗнекен ӑрӑва тӗрӗс-тӗкел воспитани парас, уйрӑм ҫынсен пултарулӑхне аталантарас, наци культурин ҫитӗнӗвӗсене халӑх хушшинче сарас енӗпе тунӑ ӗҫсемшӗн хавхалантарасси.

Премие чӑваш культурине, литературипе искусствине малалла аталантарас ӗҫре уйрӑмах палӑрнӑшӑн, республикӑмӑрти тата районти ял ҫыннисен тӗрлӗ социаллӑ сийӗн культура аталанӑвӗнчи халӑх пултарулӑхӗн хастарлӑхне ӳстернӗшӗн параҫҫӗ.

Премие уйрӑм пултаруллӑ ҫынсене, пултарулӑх коллективӗсене, шкулсемпе ача сачӗсене, патшалӑх предприятийӗсемпе учрежденийӗсене, коммерциллӗ фирмӑсене тата ӗҫ коллективӗсене пама пултараҫҫӗ.

Малалла...

Чӑн пулни

Иртнӗ ӗмӗрӗн сакӑр вуннӑмӗш ҫулӗсем. Кивӗ Чукал ялӗнчи пилӗк арҫын Самар тӑрӑхне кӑҫатӑ йӑвалама тухса кайнӑ та, уйӑх ытла унта ӗҫлесе пурӑннӑ хыҫҫӑн киле таврӑнаҫҫӗ. Ульяновскри автовокзал ҫумӗнчи кафере самаях пырӗсене хӗртнӗ хыҫҫӑн билет туянма касса патне пыраҫҫӗ.

— Вӑлатюк, пӑх-ха, пӑх: «Ульяновск — Кивӗ Чукал» маршрут уҫӑлнӑ! — тӗлӗнсе те савӑнса кӑшкӑрса ярать ҫулпа аслӑраххи. Унӑн юлташӗсем те хӑйсен ялне тӳрремӗнех автобуспа ҫитме май пурришӗн хытӑ хӗпӗртеҫҫӗ. Билет туянаҫҫӗ те, тепӗр ҫур сехет ытла вӑхӑт пуррипе усӑ курса каллех кафене кӗреҫҫӗ.

...Автобусра ҫывӑрсах каяҫҫӗ хайхисем. Тутлӑ тӗлӗксем курнӑ пуль, киле ҫитсен мунча кӗрсе тасалма, юратнӑ арӑмсене ыталама ӗмӗтленнӗ ӗнтӗ.

— Ҫитрӗмӗр! Кивӗ Чукал! — хыттӑн кӑшкӑрса пӗлтерет водитель. Пассажирсем тутарла калаҫа-калаҫа урама тухнине курсан, Кивӗ Чукал арҫыннисем те алӑк патне утаҫҫӗ. Анчах ӑҫта вӗсем? Пачах урӑх яла ҫитнӗ вӗт! Автобус остановки ҫине «Старые Чукалы» тесе ҫырса хунӑ пулин те, урӑлсах ҫитеймен арҫынсем хӑйсен ялӗ маррине ӑнкарса илеҫҫӗ-илеҫҫех.

Малалла...

Ҫӗнтернӗ ӗҫсенчен пӗри. «Ҫыхӑнура» канашлуран

Шупашкарта Сӑр тата Хусан хӳтӗлев чиккисене халалланӑ палӑк пуласси пирки сайтра хыпарланӑччӗ. Кун тӗлӗшпе конкурс та ирттернӗ.

Виҫӗ ҫӗнтерӳҫӗ ӗҫне суйланӑ, вӗсемпе усӑ курӗҫ. Кун пирки Шупашкар хула администрацийӗ пӗлтерет. Ҫӗнтерӳҫӗсен йышӗнче – Альфред Ибрагимов, Семен Удяков тата Владимир Нагорнов архитекторсем.

Сӑмах май, Сӑр тата Хусан хӳтӗлев чиккисене халалланӑ палӑк Куславкка районӗнче те пур. Ӑна кӑҫал утӑ уйӑхӗн 1-мӗшӗнче уҫнӑ.

Шупашкар районӗнчи Вӑрманкас тата Шӑнкас ялӗнче пурӑнакансем ҫулсеренех Ҫӗнӗ ҫул умӗн кил таврашне хитрелетеҫҫӗ. Вӑрманкасри Селедкисем кил умне 11 ҫул ӗнтӗ капӑрлатаҫҫӗ. Вӗсене «Пӗрремӗш каналпа» та кӑтартнӑ. Вӗсен кӳршисем те теттесене чӑрӑш ҫине пырса ҫакасси йӑлана кӗнӗ.

Шӑнкасри Николай Иванов та кил умне капӑрлатнӑ. Вӑл кашни ҫулах пысӑк тӑвайкки тӑвать, кӳлепесем ӑсталать. Ӑна та федераци каналӗпе кӑтартнӑ.

pravoved-plus.msk.ru сайтри сӑн

Шупашкарта пурӑнакан 36 ҫулти арҫын ывӑлӗн класс ертӳҫине сӑмахпа хӑртса пӗтернӗ. Куншӑн ун судра явап тытма тивнӗ.

Прокуратура пӗлтернӗ тӑрӑх, ывӑлӗ 9-мӗш класра вӗренет. Авӑн уйӑхӗнче шкул ачисем хирӗҫсе кайнӑ. Кун хыҫҫӑн пӗрин ашшӗ вӗрентекен патне шӑнкӑравланӑ. Ун чухне вӑл 30 ҫул ӗҫлекен педагога ят-сумне, чысне пӗтерекен сӑмахсем каласа пӗтернӗ. Ку сӑмахсене класри ытти ача та илтнӗ.

Арҫынна куншӑн 3500 тенкӗлӗх штрафланӑ. Суд йышӑнӑвӗ вӑя кӗмен-ха.

avtoguru.net сӑнӳкерчӗкӗ

Вӑрмар районӗнчи прокуратура вырӑнти ҫул-йӗр хӑрушсӑрлӑхӗн инспекторӗсемпе пӗрле районти автоҫулсене тӗрӗслеме тухнӑ.

Регион пӗлтерӗшлӗ «Аниш», район пӗлтерӗшлӗ «Вӑрмар-Арапуҫ-Кӗтеснер» тата «Вӑрмар-Тикеш-Большие Кайбицы» ҫулсене тивӗҫлипе тытса тӑманнине асӑрханӑ. Хӑш-пӗр вырӑнта ҫул ҫине хӑйӑрпа тӑвар хутӑшӗ сапман. Ҫул-йӗр пӑрлакланса ларсан автомашинӑсем ним мар инкеке лекме пултараҫҫӗ.

Ҫул-йӗре тытса тӑракан «ДорТех» тата «Инвест-строй» подряд организацийӗсен тӗлӗшпе асӑрхаттару хучӗ ҫырнӑ. Вӗсен тӗлӗшпе пуҫарнӑ административлӑ ӗҫсене суда ярса панӑ.

chuvashia.sledcom.ru сӑнӳкерчӗкӗ

Красноармейски районӗнчи Именкасси ялӗнче пурӑнакан 34 ҫулти арҫынна тӗрмене ӑсатнӑ. Вӑйпитти кӑҫалхи авӑн уйӑхӗнче хӑйӗн ватӑ ашшӗне хӗнесе пӗтернӗ. Специалистсем палӑртнӑ тӑрӑх, 47 хутран кая мар пуҫӗнчен тапса ҫапнӑ. Пӑтӑрмах хыҫҫӑн ватӑ ҫынна сакайне пенӗ.

Арҫын виллине авӑн уйӑхӗн 24-мӗшӗнче тупнӑ. Вӑл ҫухални пирки тӑванӗсем йӗрке хуралҫисене пӗлтернӗ. Ҫавӑн хыҫҫӑн ватта шырама тытӑннӑ.

34 ҫулти вӑйпиттие суд РФ Пуҫле кодексӗн 111-мӗш статйин 4-мӗш пайӗпе явап тыттарса ҫирӗп режимлӑ колоние 10 ҫуллӑха ӑсатнӑ.

21.мвд.рф сайтри видеоран илнӗ скриншот

Шупашкар хулинче пурӑнакан пӗр хӗрарӑм нумаях пулмасть хӑйӗн йыттине ҫухатнӑ. Кун пирки вӑл йӗрке хуралҫисене пӗлтернӗ.

Хӗрарӑм пакунлисене ӑнлантарса панӑ тӑрӑх, «хаски» ӑратлӑ йытта хӑй ӗҫлекен кафе умне кӑкарса хунӑ.

Йӗрке хуралҫисем йытӑ вӑрланӑ ҫынна шырама тытӑннӑ. Кӑштахран ҫав йытта Трактор тӑвакансен проспектӗнчи полици уйрӑмӗ умӗнче асӑрханӑ, ӑна хӑйсем патне илсе кӗртнӗ.

Йытта кам вӑрланине те кӗҫех тупса палӑртнӑ. Ҫамрӑк мар мӑшӑр ӑнлантарнӑ тӑрӑх, кӑкарса хунӑ йытта вӗсем хӗрхеннӗ, ҫавӑнпа ӑна хӑйсемпе пӗрле илсе кайнӑ. Киле такси тытса каяс тенӗ. Машина кӗтсе тӑнӑ хушӑра йытӑ тарса ҫухалнӑ.

Халӗ ҫав мӑшӑр тӗлӗшпе РФ Пуҫиле кодексӗн 158-мӗш статйин 2-мӗш пайӗпе пуҫиле ӗҫ пуҫарнӑ.

ШӖМ архивӗнчи сӑн

Шупашкарти пӗр аслӑ шкулта вӗренекен студентка, Египетран килнӗскер, лавккаран япаласем вӑрласа тухма хӑтланнӑ. Алӑк патӗнче ӑна хуралҫӑсем тытса чарнӑ.

Ун тӗлӗшпе пуҫарнӑ пуҫиле ӗҫе суда ярса панӑ. Следстви версийӗ тӑрӑх, юпан 31-мӗшӗнче вӑл Трактор тӑвакансен проспектӗнче вырнаҫнӑ лавккаран тӗрлӗ япала вӑрласа тухма хӑтланнӑ, вӗсене кутамккана чикнӗ. Урапа ҫинче выртакан таваршӑн кӑна укҫа тӳленӗ вӑл. Анчах алӑк патӗнче ӑна хуралҫӑсем тытса чарнӑ.