cheb.mk.ru сӑнӳкерчӗкӗ

«Васкавлӑ медицина пулӑшӑвӗн больници» хысна учрежденийӗн виҫӗ тухтӑрне Чӑваш Ен Элтеперӗ Олег Николаев патшалӑх наградисемпе чыслама йышӑннӑ.

«Чӑваш Республикин тава тивӗҫлӗ врачӗ» ята нейрохирурги пайӗн заведующине Леонид Овечкин нейрохирурга, 1-мӗш гинекологи уйрӑмӗн заведующине Михаил Щепелев акушер-гинеколога панӑ. Неврологи уйрӑмӗн аслӑ медсестри Тамара Филипчик «Чӑваш Республикин сывлӑх сыхлавӗн тава тивӗҫлӗ ӗҫченӗ» ята тивӗҫнӗ.

cap.ru сӑнӳкерчӗкӗ

Чӑваш Енри шкулсенче ҫӗнӗ вӗренӳ ҫулӗнче шкул ачисене урокра телефонпа усӑ курма чарӗҫ. Тӑхтав вӑхӑтӗнче ашшӗ-амӑшӗ патне шӑнкӑравлама вӗсене ирӗк парӗҫ.

Ҫӗнӗ санитари правилисенче пӑхса хӑварнӑ тӑрӑх, уроксенче карас телефонӗсемпе усӑ курма юраманни пирки ҫӗршывӑн ҫутӗҫ министрӗ Сергей Кравцов палӑртса хӑварнӑ.

pg21.ru сӑнӳкерчӗкӗ

Шупашкарти темиҫе организацире ӗҫлекенсене паян эвакуациленӗ.

Ҫав йыша республикӑн Правительство ҫурчӗ (Президент бульварӗнчи 17-мӗш ҫурт) тата Шупашкар хула администрацийӗн Мускав районӗн адмнистрацийӗ лекнӗ.

Унсӑр пуҫне суту-илӳ ҫурчӗсенчен, судсенчен тата автовокзалтан эвакуациленӗ.

cheb.ru сӑнӳкерчӗкӗ

Чӑваш Енре шӑрӑха пула чрезвычайлӑ лару-тӑру режимне туса хунӑ.

Аса илтерер: ӗнерхи кун тӗлне апла режима 8 районта ҫавӑн пек режим йышӑннӑ. Документа республика ертӳҫи Олег Николаев алӑ пуснӑ. Йышӑну ҫурла уйӑхӗн 31-мӗшӗнче вӑя кӗнӗ, вӑл тепӗр хутчен йышӑну кӑлариччен вӑйра пулӗ.

Хальхи вӑхӑта илсен ял хуҫӑх культурисем 67 миллион тенкӗ ытлалӑх шар курнӑ.

Кӑҫал авӑн уйӑхӗнче те хитре ҫанталӑк тӑрать тенине илтмен-и? Халӑхра ҫапла калаҫни илтӗнкелет. Чӑнах та ҫапла-ши?

Ҫурла уйӑхӗ типӗ килчӗ. Кунашкалли 2011 ҫултанпа пулман. Ҫумӑр вӑрах ҫуманнипе республикӑра инкеклӗ лару-тӑру пулнине палӑртнӑ.

Синоптиксем пӗлтернӗ тӑрӑх, ҫывӑх вӑхӑтра та ҫумӑр нумаях ҫумӗ. Вӑл та пулин тепӗр эрнерен ҫеҫ пулӗ. Шӑрӑх пуласса кӗтмелле мар. Авӑн пуҫламӑшӗнче тӑрук сивӗтӗ. Авӑн уйӑхӗн 9-12-мӗшӗсенче тӑм ӳкме пултарӗ. Уйӑхӑн иккӗмӗш ҫурринче ӑшӑрах пулӗ, 20 градус таран та кӑтартӗ термометр. Авӑнӑн 16-25-мӗшӗсенче «карчӑк ӑшши» пулӗ. Уйӑх вӗҫӗнче каллех сивӗтӗ, ҫумӑр ҫума тытӑнӗ.

culture.cap.ru сӑнӳкерчӗкӗ

Чӑваш кӗнеке издательстви чӑваш кӗнкине юратакансен конкурсне ирттерет. Регионсем хушшинчи «Чувашская книга. Юные таланты» (чӑв. Чӑваш кӗнеки. Ҫамрӑк талантсем) XI конкурса материалсене авӑн уйӑхӗн 1-мӗшӗнчен пуҫласа юпа уйӑхӗн 31-мӗшӗччен йышӑнӗҫ.

Пултарулӑх ӑмӑртӑвӗ ҫак номинацисемпе иртӗ: «Чӑваш кӗнеке издательствин кӗнеки ҫинчен чи лайӑх хаклав», «Юртанӑ кӗнекери эпизод» темӑпа ӳкерчӗк», «Ача аллипе хатӗрленӗ чи лайӑх кӗнеке».

Ӗҫсене Шупашкарти Иван Яковлев проспектӗнчи 13-мӗш ҫуртри 820-мӗш пӳлӗмре (Чӑваш кӗнеке издательствинче) йышӑнаҫҫӗ.

dressya.ru сайтри сӑнӳкерчӗк

Республикӑра ЗАГС йӗркеленнӗренпе 105 ҫул ҫитет. Ҫавна май Юстици ӗҫӗссен патшалӑх служби туй кӗписен куравне ирттересшӗн.

Кунта ҫынсене пулӑшма ыйтаҫҫӗ. Ведомство ӗҫченӗсем иртнӗ ӗмӗрӗн 40-мӗш ҫулӗсенчен пуҫласа 21-мӗш ӗмӗр пуҫламӑшӗччен хӗрарӑмсем тӑхӑннӑ туй кӗписене шыраҫҫӗ. Курава хутшӑнма хатӗр ҫынсен кӗпе историне, эскиза мӗнле шутласа кӑларнине, кун валли мӗн чухлӗ вӑхӑт кирлӗ пулнине каласа кӑтартмалла. Тен, хӑш-пӗр ҫи-пуҫ ӑруран ӑрӑва куҫнӑ? Ведомство ӗҫченӗсем туй кӗпине вӑхӑтлӑха курава пама ыйтаҫҫӗ.

"Чӑваш Ен" ПТРК тунӑ видео скринӗ

«Советская Чувашия» хаҫат каллех эстафетӑна чӗнет. Ӑмӑрту ку шӑматкун, авӑн уйӑхӗн 3-мӗшӗнче, иртӗ.

Эстафетӑра 14 комплект медальшӗн спортмсенсем 11 ӳсӗм ушкӑнӗнче тупӑшӗҫ. Унта кирек кам та хутшӑнма пултарать: ачасем те, аслисем те.

Старта 10 сехетре тухӗҫ. Хаҫат журналисчӗн Александр Егоровӑн кубокне те выляттарӗҫ. Вӑл спорт журналистикин кубокӗ пулӗ.

Палӑртмалла: ӑмӑртура вакцинаци тумалли мобильлӗ пункт та ӗҫлӗ.

t.me/nikamran сӑнӳкерчӗкӗ

Чӑваш тӗрине тӗрлеме вӗрентекен видеоуроксем хатӗрлӗҫ. «Анне эрешӗсем» ят панӑ видеоматериалсене Республикӑри ачасемпе ҫамрӑксен вулавӑшӗ хатӗрлӗ. Палӑртнине пурнӑҫа кӗртме библиотекӑна Раҫҫей Президенчӗн гранчӗ пулӑшӗ.

Ҫав укҫапа вулавӑш ӗҫченӗсем камерӑпа видеомикшер, ятарлӑ ҫутӑ хатӗрӗсем, пӗчӗк микрофонсем тата тӗрленӗ чухне усӑ курмалли хатӗрсем туяннӑ.

«Пуринчен малтан. Ҫывӑрса юлмасан» телеграм-каналта пӗлтернӗ тӑрӑх, «тӗрӗ ӑстисем шкул ачисемпе уроксем ирттерӗҫ, ҫӗвӗ хыҫҫӑн ҫӗвӗ, эреш хыҫҫӑн эреш ӑсталама вӗрентӗҫ. Ҫак видеоуроксемпе кайран пурте усӑ курма пултарӗҫ».

forum.na-svyazi.ru порталтан илнӗ сӑнӳкерчӗк

Шупашкарти пӗрисем сапборд ҫинче Атӑла чутах кайман.

Республикӑн шыравпа ҫӑлав службинче пӗлтернӗ тӑрӑх, инкеке икӗ ҫын лекнӗ. SUP-борд ҫине хӑпарса тӑнӑскерсене юханшыв юххи карапсем ҫӳрекен ҫул ҫине илсе кайма тытӑннӑ.

Инкеке лекме пултарнӑ ҫынсене ҫӑлавҫӑсем пулӑшнӑ — ҫыран хӗррине илсе тухнӑ. Тата, паллах, профилактика тӗллевӗпе калаҫу ирттернӗ май сапборд ҫинче мӗнле ярӑнмаллине, мӗн тусан мӗн пулса тухассине ӑнлантарса панӑ.