Елчӗк районӗнчи Аслӑ Пӑла Тимеш ялӗнче тахҫан участок пульници пулнӑ. Унта поликлиника та, стационар уйрӑмӗсем те пулнӑ. Ҫав ҫурт кивелнӗ, ӑна юрӑхсӑр тесе йышӑннӑ.

Кивӗ ҫуртра сивӗ, хӑтлӑ мар пулнӑ. Пациентсенчен те ҫӑхавсем тӑтӑшах килнӗ. Экспертсем ҫурта юсанин усси ҫук тесе пӗтӗмлетнӗ. Ҫитменнине, ялта ҫыннисем те сахалланса юлнӑ.

Ҫавна май ялта тухтӑр амбулаторийӗ, хӑйне евӗр микрополиклиника, тума йышӑннӑ. Ун валли 35 ытла миллион тенкӗ кирлӗ. Аукциона выляса илнӗ подрядчик никӗсне яма тытӑннӑ. Ҫӗнӗ амбулаторие ҫитес хӗл валли туса пӗтерме палӑртнӑ. Унта 1,5 пин ытла ҫын ҫӳрӗ.

Инкелӗ лару-тӑру министерстви архивӗнчи8 сӑн

Паян ҫӗрле тата ыран кӑнтӑрла синоптиксем асӑрханма ыйтаҫҫӗ. Уйрӑмах - ҫул ҫинче.

Ыран республикӑра ҫил-тӑман вӗҫтерӗ. Хушӑран 500 метр таранах япӑх курӑнӗ.

Ҫулсене юр хӳсе лартма пултарать. Шуҫлак пулас хӑрушлӑх та пур.

Ҫил кӑнтӑр енчен вӗрӗ. Сывлӑш температури ҫӗрле 0 градусран пуҫласа 5 градус таран сивӗ пулӗ, кӑнтӑрла - 3 градус таран ӑшӑ.

Ҫӑлкуҫ: freepik.com/ededchechine

Раҫҫей предпринимателӗ Андрей Ковалев шутланӑ тӑрӑх, пӗр доллар хакӗ кӑҫал 100 тенке ҫывхарма пултарать. Бизнесмен каланӑ тӑрӑх, ку ҫӗршывӑн нефтьпе газ тупӑшӗ сахалланнипе ҫыхӑннӑ.

Миллиардер хӑйӗн Телеграм-каналӗнче пӗлтернӗ тӑрӑх, ҫӗршывра нефтьпе газ сутнин тупӑшӗ самай чакнӑ, тӑкаксем вара пачах урӑхла — ӳссе пыраҫҫӗ. Бизнесмен шухӑшӗпе ҫакӑ тенкӗ курсне тӳрремӗн витӗм парӗ.

«Эпӗ сире тӗп-тӗрӗс калатӑп, шел пулин те, анчах долларшӑн 100 тенкӗ тӳлесси патне эпир кӑҫалах ҫитетпӗр пулас! Унсӑрӑн бюджета саплаштарма май ҫук<…> Енчен те кӑрлач уйӑхӗнчи пек лару-тӑру нарӑс, пуш, акапа ҫу уйӑхӗсене те тӑсӑлӗ пулсан, тен, пирӗн 90-мӗш ҫулсенчи доллар курсне те аса илме тивӗ», — тесе шутлать вӑл.

ШӖМ тунӑ сӑн

Паян 15 сехет тӗлне М-7 автоҫул ҫинче, Муркаш районӗнче, икӗ ҫӑмӑл машина ҫапӑннӑ. ШӖМ пӗлтернӗ тӑрӑх, аварире 5 ҫын аманнӑ. Ҫав йышра - икӗ ача.

Малтанлӑха пӗлтернӗ тӑрӑх, "Киа" водителӗ, 38 ҫулти арҫын, хирӗҫ ҫул ҫине тухса кайса "Лада Грантӑпа" ҫапӑннӑ. Арҫын авари вырӑнӗнчех вилнӗ.

Иномаркӑри 35 ҫулти хӗрарӑм, 11-ти хӗрачапа 10-ри арҫын ача аманнӑ. "Лада Грантан" 27 ҫулти водителӗ тата 24-ри пассажирка суранланнӑ.

Вӑрнар районӗнче пӗр хӗрарӑм ҫухалнӑ. Икӗ эрне каяллах. Вӑл ӑҫтине ҫывӑх ҫыннисем нарӑс уйӑхӗн 11-мӗшӗнченпе пӗлмеҫҫӗ. Ӗнер, нарӑс уйӑхӗн 24-мӗшӗнче, «ЛизаАлерт» шырав отрячӗ шырама тытӑннӑ.

41 ҫулти Наталья Костяковӑна хамӑр республикӑра ҫеҫ мар, Мускавра та шыраҫҫӗ. Хӗрарӑмӑн ҫумӗнче икӗ спорт сумки пулнӑ.

ru.dreamstime.com сӑнӳкерчӗкӗ

Шупашкарти строительство организацийӗсенчен пӗри пӗлтӗрхи ҫулла кабель ҫухатнӑ. Асӑннӑ организаци Ярмарка урамӗнчи пӗр ҫуртра отделка ӗҫӗпе аппаланнӑ. Стройматериала ӗҫ хыҫҫӑн хваттерте хӑварнӑ, хваттере питӗрсе илнӗ, уҫҫине подъездри сейфа хунӑ. Апла пулин те унти пурлӑх — 400 метр тӑршшӗ кабель — ҫухалнӑ.

Вӑрӑсем сейфа ватса уҫҫа кӑларса илнӗ.

Йӗрке хуралҫисем кӗҫех вӑрра та тупса палӑртнӑ. Вӑл стройорганизацире тӑрӑшакан рабочисенчен пӗри пулнӑ. Тутарстанри 50 ҫулти арҫын тата унӑн Пермь тӑрӑхӗнчи пӗлӗшӗ вӑрланӑ. Ҫав укҫапа вӗсем эрех туянса ӗҫнӗ.

Пуҫиле ӗҫе халӗ суда ярса панӑ.

Паян, нарӑсӑн 25-мӗшӗнче, пӗр паллӑ пулӑм пулса иртнӗ. 186 ҫул каялла, 1837 ҫулта, улшӑнми токпа ӗҫлекен электродвигатель тӗлӗшпе патент ҫирӗплетнӗ. Ҫав вӑхӑтран пуҫланать те ӗнтӗ электродвигательсемпе анлӑн усӑ курас тапхӑр. Ӑҫта кӑна ҫук пуль вӗсем халь… Сире вара ҫак пулӑм мӗнле пулса иртни пирки каласа парас шухӑш пур.

1833 ҫулта ялти тимӗрҫӗ, Америкӑри центртан инҫетре пурӑнакан хӑй тӗллӗн вӗреннӗ электрик Томас Дэвенпорт Джозеф Генри электромагнит шухӑшласа кӑларни пирки, унпа усӑ курса тимӗр тӑприне пуянлатни ҫинчен пӗлнӗ.

Томас Дэвенпорт Генри шутласа кӑларнӑ япалана туяннӑ, ӑна тӗпчесе вӑл мӗнле ӗҫленине ӑнланса илсе хӑй те компактлӑ магнитсем ӑсталама тытӑннӑ. Проводсене изоляцилеме арӑмӗн венчете тӑхӑнакан кӗпипе усӑ курнӑ. Томас Дэвенпорт ӑна хӑюсем ҫине пайласа пралуксене чӗркесе ҫыхнӑ.

Часах мотор ӑсталаннӑ та — ку вӑл улшӑнми токпа ӗҫлекен пӗрремӗш роторлӑ электродвигатель пулнӑ. 1835 ҫулта Томас Дэвенпорт халӑха ҫавракаланса ҫыхӑнтарнӑ чукун ҫулӑн модельне кӑтартнӑ, ун тӑрӑх пӗчӗк локомотив ҫӳренӗ.

Малалла...

@ kcson-petuhovo.kurg.socinfo.ru

«Чӑваш халӑх сайчӗ» чӑваш ҫыравҫисен тата культура ҫыннисен пӗр ушкӑнӗ 2023 ҫулхи нарӑс уйӑхӗн пуҫламӑшӗнче пулса иртнӗ хаяр ҫӗр чӗтревӗнче шар курнӑ Турцири тата Сирири хамӑрпа тӑванлӑ халӑхсемпе пӗрле тарӑннӑн, чунтан хурланнине пӗлтерсе Тӗрӗкьелти ҫыравҫӑсене ҫыру яни ҫинчен хыпарланӑччӗ. Вӗсемех укҫан пулӑшу пухма пуҫланӑ. Акӑ халӗ тата тепӗр ырӑ ӗҫ ҫинчен пӗлтӗмӗр.

Чӑваш Енри ҫамрӑксем, «Тӗрӗксен пӗрлешӗвӗ» ушкӑна йӗркелесе яма хатӗрленекенсем, Тӗрӗкьел халӑхне пулӑшу янӑ: ӑшӑ юркансем (утиялсем), пӗркенчӗксем (пледсем), термоссем, вентиляторсем, тумтир тата ҫурт-хуралтӑсӑр юлнисене кирлӗ пулма пултаракан ытти япала. «Химпромра» ӗҫлекен Олег Скачков пулӑшу валли 20 пин тенкӗ ытла тӑкакланӑ. Денис Калюков та япала халӑхран пухассине йӗркеленӗ.

Пухнӑ япалана вӗсем Турци Республикин Хусанти консуллӑхне леҫсе панӑ.

«Тӗрӗк тӗнчин культура центрӗ» ытти чӑвашсене те ҫак ӗҫе хастар хутшӑнма йыхравлать. Вӗсене хӑйсен ӗҫӗ-хӗлӗ ҫинчен халӑха хыпарлама та ыйтать. Ку ыттисене ҫак ӗҫе пуҫӑнма хавхалантарӗ.

© shutterstock.com

Японири официаллӑ майпа палӑртнӑ утравӗсен шучӗ, ҫӗнӗ алгоритмпа шутланӑ хыҫҫӑн, тӗпчевҫӗсен шухӑшӗпе хальхи 6852 вырӑнне 14 125 пулӗ.

2023 ҫулхи Японин статистикин ҫулталӑк кӗнекипе килӗшӳллӗн, унта илсе панӑ 2022 ҫулхи ҫӗртмен 30-мӗшӗ тӗлне пухнӑ даннӑйсене илес пулсан, Японире пӗтӗмӗшле 377973,74 тв. ҫх лаптӑклӑ 6852 утрав шутланать. Чӑннине калас пулсан, Хонсю утравӗ хӑйӗн пысӑкӑшӗпе тӗнче шайӗнче ҫиччӗмӗш, халӑх йышӗпе иккӗмӗш шутланать.

Анчах та утравсен йышне шутлас меслет халӗ те 1987 ҫулта ҫыран хуралӗ тунӑ тӗпчев ҫинче никӗсленет. Унта вара ҫыран хӗррин тӑршшӗ 100 метр е ытларах пулнӑ утравсене кӑна асӑннӑ. Анчах та урӑххисем те пур, вӗсен виҫи пӗчӗкрех пулин те вӗсем ушкӑн-ушкӑн вырнаҫнӑ.

Шута илессине ҫӗнӗлле йӗркеленӗ чухне тип ҫӗрӗн электронлӑ карттипе, ҫавӑн пекех аэрофотоӳкерчӗкӗсемпе усӑ курнӑ, шӑп та лӑп вӗсенче 100 пин ытла утрав тупнӑ та.

Японишӗн ҫӗнӗ утравсем тупни ҫӗнӗлӗх мар — вӑл вӗсемшӗн хӑнӑхнӑ япала: вулкансем ӗҫлеме пуҫланӑ хыҫҫӑн хӑш-пӗрисем океан лаптӑкӗнчен тухаҫҫӗ. Тӗслӗхрен, 2021 ҫулхи ҫурлан 13-мӗшӗнче Фукутоку-Оканоба шыв айӗнчи вулкан вут-хӗп сапма пуҫласан 1 ҫухрӑма яхӑн диаметрлӑ ҫӗнӗ ҫӗр лаптӑкӗ йӗркеленнӗ.

Малалла...

ШӖМ тунӑ сӑн

Нарӑсӑ 23-мӗшӗнче ирхи 5 сехетре 16 ҫулти каччӑ икӗ тусӗпе каферен тухнӑ та руль умне ларнӑ. Вӑл ӳсӗр пулнӑ.

Полицейскисем ӑна курнӑ, чарӑнма ыйтнӑ. Анчах ӳсӗрскер итлемен - тарнӑ. Йӗрке хуралҫисем - ун хыҫҫӑн.

Хайхи каччӑ тарнӑ чухне кӗрт ҫине пырса тӑрӑннӑ. Водитель тата икӗ пассажир салонран тухса тарма пуҫланӑ. Йӗрке хуралҫисем вӗсене хӑваласа ҫитнӗ.

16-ри каччӑн водитель прави пулман. Халӗ ӗҫ-пуҫа тишкереҫҫӗ.