|
Персона
 Ангелина Павловская. Вера Воронова халӑх тетелӗнче вырнаҫтарнӑ сӑнӳкерчӗк Ӗнер, кӑрлач уйӑхӗн 31-мӗшенче, хальхи вӑхӑтри паллӑ чӑваш прозаикӗн Ангелина Павловскаян ҫуралнӑ кунӗ пулнӑ. Вӑл 1939 ҫулхи Вӑрмар районӗнчи Пӗчӗк Енккассинче ҫуралнӑ. Ҫӗрпӳри библиотекарьсем хатӗрлекен техникумра, Шупашкарти педагогика институтӗнче вӗреннӗ. Чылай ҫул шкул ачисене вырӑс чӗлхипе литературине вӗрентнӗ. Авторӑн «Ярӑм-ярӑм явӑнать тӗтре» повеҫӗ 1983 ҫулта «Ялав» журналта пичетленсе тухнӑ. 2010 ҫулта унӑн «Саланнӑ кӗлте», 2011 ҫулта «Сапаскар хӗрӗ» кӗнекисем кун ҫути курнӑ. 2013 ҫулта вулакансем ҫыравҫӑн «Вӗрене шывӗ те пылак» романӑн 1-мӗш кӗнекипе паллашнӑ, 2014 ҫулта «Вӗрене шывӗ те пылак» романӑн 2-мӗш кӗнеки кун курнӑ. Хыпар ҫӑлкуҫӗ:
|
|
Персона
 Марина Карягина. culture.cap.ru сайтран илнӗ сӑнӳкерчӗк Ӗнер, кӑрлач уйӑхӗн 31-мӗшӗнче, паллӑ режиссёр-документалиста, поэта, драматурга, прозаика, куҫаруҫӑна, ӑста тележурналиста Раҫҫейри кинематографистсен союзӗн йышне илнине ӗнентерекен удостоверени панӑ. Аса илтерер: ӗнер Марина Карягина Мускавра ӗҫлесе пурӑнакан Галина Евтушенко кинорежиссёрӗн, продюсерӑн тата сценаристӑн, искусствоведени кандидачӗн «ЛИТЕРАТУРА И КИНО» автор программине хутшӑннӑ. Раҫҫейри кинематографистсен союзӗн йышне илнӗ ятпа Марина Карягинӑна Чӑваш Енӗн Культура министерстви те саламлать. Ун пек хыпара ведомствӑн сайтӗнче ӗнер вырнаҫтарнӑ. Хыпар ҫӑлкуҫӗ:
|
|
Вӗренӳ
 https://chgtrk.ru/novosti/obrazovanie/v-cheboksarah-vybrali-luchshego-uchitelya-rodnogo-yazyka/ Шупашкарта тӑван чӗлхен чи лайӑх вӗрентекенне суйланӑ. Конкурсра педагогсем профессионаллӑхне кӑна мар, пултарулӑхне те кӑтартнӑ: юрланӑ, ташланӑ, сӑвӑсем каланӑ. Финалта вара наци чӗлхине вӗрентессинче шухӑшласа кӑларнӑ инноваци ӑсталӑхӗпе паллаштарнӑ. 48-мӗш шкулта чӑваш чӗлхипе литературине вӗрентекен Светлана Храмова пӗрремӗш вырӑн йышӑннӑ. 33-мӗш шкулӑн педагогӗ Ирина Диарова иккӗмӗш вырӑна тухнӑ. 40-мӗш шкулти Лилиана Романова тата 62-мӗш шкулти Марина Мурзакаева виҫҫӗмӗш вырӑна пайланӑ. Хыпар ҫӑлкуҫӗ:
|
|
Культура
 cap.ru сӑнӳкерчӗкӗ Тӑван чӗлхепе тата литературӑпа федераци шайӗнче олимпиада иртет. Чӑваш Енӗн Культура тата ӳнер институчӗ пӗлтернӗ тӑрӑх, кӑҫалхи кӑрлач уйӑхӗнче одимпиадӑн инҫет ҫыхӑну мелӗпе йӗркеленӗ пӗрремӗш тапхӑрӗ вӗҫленнӗ. Чӑваш чӗлхи тата литератури енӗпе Чӑваш Енри, Тутарстанри тата Донецк Халӑх Республикинчи 350 ытла шкул ачи хутшӑннӑ. Вӗсенчен 172-шӗ иккӗмӗш тура лекнӗ. Иккӗмӗш тапхӑр нарӑс уйӑхӗн 17-мӗшӗнче 10 сехетре Чӑваш патшалӑх университетӗнче куҫӑн мелпе иртӗ. Хыпар ҫӑлкуҫӗ:
|
|
Культура
 culture.cap.ru сӑнӳкерчӗкӗ Ф.П. Павлов ячӗллӗ Шупашкарти музыка училищинче Светлана Макарова музоковеда асра тытса пухӑнӗҫ. Вӑл пӗлтӗрхи нарӑс уйӑхӗн 1-мӗшӗнче пурнӑҫран уйрӑлса кайнӑ. Светлана Ильинична тӑватӑ теҫетке ҫул ытла Шупашкарти музыка училищинче тӑрӑшнӑ. Телекуравҫӑсем вара Светлана Макаровӑна «Чувашия музыкальная», «Мастера искусств», «Представляем молодых» телекӑларӑмсене ертсе пыни тӑрӑх аван пӗлнӗ. «Ее второе имя — вдохновенье» (чӑв. Унӑн тепӗр ячӗ — хавхалану) астӑвӑм каҫӗ нарӑс уйӑхӗн 2-мӗшӗнче 18 сехетре пуҫланӗ. Пысӑк концерт залӗнче ҫав каҫ аса илӳсемпе пӗрлех классика хайлавӗсем янӑрӗҫ. Хыпар ҫӑлкуҫӗ:
|
|
Статистика
 informing.ru сӑнӳкерчӗкӗ Иртнӗ ҫулхи кӑрлач-чӳк уйӑхӗсенче пирӗн республикӑран ют ҫӗршыва 5 пин те 28 ҫын тухса кайнӑ. Ун пекки 2011 ҫултанпа та пулман иккен. Ют ҫӗршыва тухса кайнисенчен 71,3 проценчӗ, е 3 пин те 587 ҫын, Никама Пӑхӑнман Патшалӑхсен Пӗрлӗхне кӗрекен ҫӗршывсене тухса кайнӑ, ыттисем (1 441 ҫын) — аякри ют ҫӗршывсене. Ют ҫӗршыва чылай чухне вӑйпиттисем тухса каяҫҫӗ. Пултаруллӑ та мал ӗмӗтлӗ, хӑйсен вӑйне, ӑс-тӑнне шанакан ҫамрӑксем. Хыпар ҫӑлкуҫӗ:
|
|
Пӑтӑрмахсем
 forum.na-svyazi.ru сайтран илнӗ скриншот Шупашкарти Кадет корпусӗнче ачасене географи вӗрентнӗ учительницӑран пӗр яш тӑрӑхлани пирки Чӑваш халӑх сайчӗ унччен пӗлтернӗччӗ-ха. Аса илтерер: иртнӗ ҫул вӗҫӗнче пӗр яш хӑйӗн учительне машинӑпа йӗрлесе пынӑ май ун пирки килӗшӳсӗр сӑмахсемпе перкелешнине сӑнлакан видео тӗнче тетелӗнче сарӑлнӑччӗ. «Ҫыхӑнура» форумра пӗлтернӗ тӑрӑх, ҫав ача республикӑри Кадастр палатин директорӗн ывӑлӗ иккен. Кайран каччӑ учительтен каҫару ыйтса видео ӳкерсе илнӗ, ашшӗ каҫару ыйтса СМС-ҫыру янӑ-мӗн. Хӗрарӑм хӑйне кӳрентернӗшӗн каччӑпа судлашасшӑн та пулнӑ-мӗн, анчах ӗҫе вӗҫне ҫитерме май килмен. Кӑрлачӑн 25-мӗшӗнче учитель те, Кадет корпусӗн директорӗ Наталья Тимофеева та (вӑл учителе хӳтӗленӗ иккен) ӗҫрен кайнӑ. Вӗрентекен заявлени ҫырса панӑ иккен, директорӑн вара ӗҫ килӗшӗвӗнче палӑртнӑ вӑхӑчӗ вӗҫленнӗ-мӗн. Хыпар ҫӑлкуҫӗ:
|
|
Хулара
 Шупашкарти 62-мӗш шкулта тӑрӑран шыв аннине видео ӳкерсе тӗнче тетелне вырнаҫтарнӑ. Мускав районӗн прокурорӗ ҫакӑ тӗрӗсех-ши тесе унта тӗрӗслеме пынӑ. Чӑнах та, 3-мӗш хутра кӗтесре шыв анать. Урайӗнче витресем лараҫҫӗ, унта шыв тумлать. Тӗрӗслев хыҫҫӑн ҫитменлӗхсене пӗтерес тӗллевпе ӗҫлӗҫ. Ҫавӑн пекех шкулта юсав ӗҫӗсене маларах ирттерес ыйтӑва хускатӗҫ. Планра вара юсава 2024-2025 ҫулсенче ирттерме палӑртнӑ. Хыпар ҫӑлкуҫӗ:
|
|
Ҫутҫанталӑк
 Ҫанталӑк ӑшӑтрӗ. "Чӑваш Енри ҫанталӑк" проект авторӗсем пӗлтернӗ тӑрӑх, хальхинче тӑрук сивӗтмӗ. Ку эрнере кӑшт юр ҫукалӗ, хушӑран хӗвел тухӗ. Ҫанталӑк ҫуркуннехи пекех. Анчах унпа киленме ҫил чӑрмантарӗ. Вӑл эрнен иккӗмӗш ҫурринче лӑпланӗ. Ҫапах хӗлле хӑйне кӑтартӗ-ха. Малтанлӑха пӗлтернӗ тӑрӑх, нарӑсӑн 8-12-мӗшӗсенче 25-30 градус таран сивӗтме пултарӗ. Хыпар ҫӑлкуҫӗ:
|
|
Хулара
 news.myseldon.com сайтри сӑн Шупашкарти тӑлӑх хӗр хваттер илес тесе 2014 ҫулта черете тӑнӑ. Анчах ӑна паянхи кунччен те ӑна паман. Вӑл черетре тӑнӑ, хваттерне вара ун хыҫҫӑнхи ҫынна панӑ. Лешӗ черете унран каярах тӑнӑ. Халӗ РФ Следстви комитечӗн Чӑваш Енри следстви органӗсем кун тӗлӗшпе пуҫиле ӗҫ пуҫарнӑ. Ӗҫ-пуҫа уҫӑмлатаҫҫӗ, саккуна пӑснӑ ҫынсене тупса палӑртаҫҫӗ. Хыпар ҫӑлкуҫӗ:
|
+5.3 °C