"Про Город" сайтӗнчи сӑн

Паян Шупашкарта пурӑнакансем ҫӑра тӗтӗм тухнине асӑрханӑ. Унта Иван Яковлев прспектӗнчи 39-мӗш "б" ҫуртра вырнаҫнӑ "Хӗвел" бази ҫуннӑ.

Пушар тухни пирки 14 сехет те 25 минутра пӗлнӗ. Пушарнӑйсем вырӑна тӳрех ҫитнӗ.

Ку хыпара "Про Город" хаҫата халӑх корреспонденчӗ пӗлтернӗ.

РФ Следстви комитечӗн Чӑваш Енри следстви управленийӗн ӗҫченӗсем Ҫӗнӗ Шупашкарта пурӑнакан 100 ҫулти ветерана, Анна Ивановна Январевӑна, Ҫӗнтерӳ кунӗпе саламланӑ. Ветеран пӗлтӗр раштав уйӑхӗн 20-мӗшӗнче 100 ҫулхи юбилейне паллӑ тунӑ. Вӑл Пӑрачкав районӗнчи Кожевенное ялӗнче ҫуралнӑ.

Анна Ивановна 1941 ҫулта фронта кайнӑ, госпитальте ӗҫленӗ. Кайран прожектор полкӗнче ҫар тивӗҫне пурнӑҫланӑ, Мускава фашистсенчен хӳтӗленӗ. Вӑрҫӑран 1945 ҫулхи утӑн 7-мӗшӗнче таврӑннӑ.

Следстви управленийӗн ӗҫченӗсем ветерана парне панӑ, ачасем вара сӑвӑсем вуланӑ.

Чӑваш Енри хӗрарӑмӑн Мусаври метрона 260 пин ытла тенкӗ тӳлемелле. Йӑлтах - аваришӗн. Вӑл машина рулӗ умӗнче пынӑ чухне трамвайпа ҫапӑннӑ. Айӑпе вара унра. Ҫавна пула 8 рейс тытӑнса тӑнӑ.

"Мускаври метрополитен" ҫав вӑхӑтра тӳснӗ тӑкака хӗрарӑмран шыраса илме шутланӑ. Суд вара тавӑҫа тивӗҫтернӗ. Ҫапла пирӗн ентешӗн Мускаври метрона 260 пин те 847 тенкӗ тӳлемелле. Кунсӑр пуҫне унӑн 5808 тенкӗ пошлина тӳлесе татмалла.

Ӗнер кӑна Шупашкарта "Каскад" суту-илӳ ҫывӑхӗнчи стена ҫинчи Нарспи ҫухални пирки пӗлтернӗччӗ. Аса илтерер: ӑна Ксения Кокель грант укҫипе ӳкернӗ, ҫитменнине хӑйӗнне хушнӑ.

Ҫак стена иртен-ҫӳрене 4 ҫул савӑнтарнӑ. Нумаях пулмасть стенана сӑрласа лартнӑ. Мӗншӗнни паллӑ мар.

Ксения Кокель унпа Шупашкар хула администрацийӗ ҫыхӑннине пӗлтернӗ. Нарспие ҫӗнӗрен ӳкереҫҫӗ иккен. Ксения халь ҫӗнӗ эскиз ӳкерет.

Паян ҫӗрле Шупашкарта тӑм ӳкмен. Хӑш-пӗр районта вара 2,4 градус таран сивӗ пулнӑ, курӑк ҫине тӑм ӳкни палӑрнӑ.

Паян та ҫӗрле тӑм ӳкес хӑрушлӑх пулӗ. Пӗтӗмӗшле илсен, ҫанталӑк ӑшӑтма пуҫлать. Паян Шупашкарта 10 градус таран ӑшӑ. Ыран 9-14 градус ӑшӑ пулӗ.

Ҫил лӑпланӗ. Юнкун тата ӑшӑтӗ. Кӗҫнерникун вырӑнӑн-вырӑнӑн ҫумӑр ҫума пултарӗ. Эрне вӗҫнелле 15-20 градус таран ӑшӑтӗ. Ҫӗрлесерен 5-10 градус ӑшӑ пулӗ. Вырӑнӑн-вырӑнӑн ҫумӑр ҫума пултарать.

"На связи" форумри сӑн. Халӗ ку ӳкерчӗк ҫук

4 ҫул каялла Шупашкарти "Каскад" суту-илӳ центрӗ ҫывӑхӗнчи постанци стени ҫине Нарспие ӳкернӗ. Ӗҫ авторӗ - паллӑ художникӑн Алексей Кокелӗн тӑванӗ Ксения Кокель. Ун чухне вӑл И.Я.Яковлев ячӗллӗ ЧППУра вӗреннӗ. Халӗ ҫав ӳкерчӗк ҫук. Ӑна сӑрӑ тӗслӗ сӑрӑпа сӑрласа лартнӑ.

Ксения Кокель ку ӳкерчӗке Крымра иртнӗ "Тавридӑра" ҫӗнсе илнӗ грант укҫипе ӳкернӗ. Анчах ҫав 100 пин тенкӗ ҫитмен, хӑйӗнне те хушнӑ.

Стена ҫинчи Нарспи мӗншӗн ҫухалнӑ? Паллӑ мар.

Чӑваш чӗлхинче сингармонизма пӑхӑнман сӑмахсем пур. Калӑпӑр, «путлӗ», «путек», «кансӗр»… Чӑвашла вӗсене йӑнӑшсӑр ҫырас тесен ҫак сӑмахсем мӗнле пулса кайнине лайӑх пӗлмелле. Уйрӑмах ҫакӑ «путсӗр» сӑмаха пырса тивет: кӗнекесенче те сахал мар ӑна «пӳтсӗр» пек ҫырнине асӑрхатӑп. Чи пысӑк сӑлтавӗ ӗнтӗ кунта ӑна каланӑ чухне эпир «путсӗр» мар, «пӳтсӗр» тенипе ҫыхӑннӑ. Ҫавна май ҫырнӑ чухне те «пӳтсӗр» тесе ҫырас килет. Ку сӑмахӑн тепӗр форми те пур-ха: «путлӗ». Анчах ку чухне ӑна никамах та «пӳтлӗ» тесе каламасть те, унашкал йӑнӑш тӑвас хуйхӑ ҫук.

«Путлӗ»-пе, «путсӗр» ӑҫтан килнӗ-ха пирӗн чӗлхене? Ӑна пирӗн халӑх вырӑс чӗлхинчен илнӗ иккен: унта «путь» сӑмах пур, ҫав сӑмахӑн пӗр пӗлтерӗшӗсенчен пӗри вара: «йӗркеллӗ, тӗрӗс, тивӗҫлӗ шайра». Каярахпа ҫак ӑнлав манӑҫа пуҫланӑ та ун пирки чылайӑшӗ, хӑйсене вырӑсла лайӑх пӗлетпӗр теҫҫӗ пулин те, чухламасть те. «Непутевый человек» тесен кӑна ҫав «путь» сӑмахӑн ӑнлавне чухласа илме пулать. Ҫавӑнпа ӗнтӗ, ку сӑмаха эпир вырӑс чӗлхинчен йышӑннӑран, вӑл сингармонизм йӗркине пӑхӑнмасть: путлӗ, путсӗр.

Малалла...

Анжелика Александрова страницинчен илнӗ сӑнӳкерчӗк

Чӑваш Енре тата тепӗр музей уҫнӑ. Халӑх инструменчӗсен музейӗ Шупашкар районӗнчи Кӑшавӑшра, унти «Ясна» этнокомплексра вырнаҫнӑ.

Музейра тӗрлӗ инструмент вырӑн тупнӑ, ҫав шутра 200 ҫула яхӑн маларах хатӗрленӗ кӗсле те пур.

Унти инструментсемпе ҫавсене ӑсталакан Даниил Даниловпа Николай Фомиряков темччен паллаштарма тата инструментсемпе каласа кӑтартма пултараҫҫӗ.

Ҫӗнтерӳ кунӗнче, ҫу уйӑхӗн 9-мӗшӗнче, Шупашкарти хӑш-пӗр урамсенче транспорта ҫӳреме чарӗҫ. Стоянкӑсемпе те ирӗклех усӑ курма май пулмӗ.

Уявра общество транспорчӗн хӑш-пӗр маршручӗ улшӑнӗ. Халӑха меллӗ пултӑр тесе троллейбуссемпе автобуссем ҫур ҫӗрччен ҫӳрӗҫ.

Аса илтерер: Ҫӗнтерӳ кунӗнче Шупашкарта ретро-троллейбус ҫула тухӗ. Вӑл ҫӳренине "Ӑслӑ транспорт" сарӑмра курма пулать.

aartyk.ru сайтри сӑн

Ӗнер Шупашарта пурӑнакан 58 ҫулти арҫын полицие пырса хӑйне улталани пирки каласа кӑтартнӑ. Темиҫе кун каялла ун патне пиччӗшӗ шӑнкӑравланӑ. Чӑннипе вара вӑл пачах ют ҫын пулнӑ. Хайхискер кӑшӑлвирусран сипленпе укҫа ыйтнӑ. Ку ӑна 24 пин тенкӗ куҫарса панӑ.

65 ҫулти хӗрарӑм та "пиччӗшне кӑшӑлвирусран сипленме" х28 пин тенкӗ куҫарса панӑ. Икӗ тӗслӗхӗнче те палламан ҫын хӑйне Сергей тенӗ.

Кун тӗлӗшпе пуҫиле ӗҫ пуҫарнӑ.