|
Сывлӑх
 Пирӗн республикӑра пурӑнакансем сахӑр диабетӗнчен паракан тӳлевсӗр эмеле вӑхӑтра илеймеҫҫӗ иккен. Кун пирки вӗсем РФ Следстви комитечӗн республикӑри управленийӗн ертӳҫи Александр Полтинин тата республика прокурорӗ Эдуард Гиматов ирттернӗ йышӑну вӑхӑтӗнче пӗлтернӗ. Тӗлпулӑва республикӑн сывлах сыхлав министрӗ Владимир Степанов та хутшӑннӑ. Йышӑнӑва 14 ҫын пынӑ. Вӗсем каласа кӑтартнӑ тӑрӑх, тухтӑрсем ҫырса панӑ эмеле чылай вӑхӑт илеймеҫҫӗ, ҫавна май йӗркеллӗ сипленеймеҫҫӗ. Ку ыйтупа ҫыхӑннӑ материалсене Чӑваш Ен прокуратури следстви управленине ярса панӑ, унтисем яваплисем епле ӗҫленине хак парӗҫ. Хыпар ҫӑлкуҫӗ:
|
|
Персона
 cap.ru сӑнӳкерчӗкӗ Елчӗк округӗнчи Аслӑ Елчӗкре пурӑнакан Антонина Капсулова 100 ҫул тултарнӑ. Антонина Михайловна 5-ре чухне тӑлӑха юлнӑ, ӑна тӑванӗсем усрава илнӗ. Вӑрҫӑ пуҫланнӑ чухне вӑл 16 ҫулта пулнӑ. Хӗр колхозра ӗҫленӗ. 1943 ҫулта Антонина Василий Капсуловпа ҫемье ҫавӑрнӑ. Вӗсем 8 ывӑл ҫуратса ӳстернӗ.42-ре чухне вӑл тӑлӑх арӑма юлнӑ, ҫапах пӗчӗк ачисене ура ҫине тӑратнӑ. Паян унӑн 19 мӑнук, 29 кӗҫӗн мӑнук. Хыпар ҫӑлкуҫӗ:
|
|
Кӑсӑклӑ
Ял пурнӑҫӗ
Таврапӗлӳҫӗ кӗтесӗ
«Раҫҫей патшалӑхне пӗр ҫирӗм ҫул лӑпкӑн аталанма май туса парсан ӑна эсир паллаймӑр та…» Ҫапла хӑюллӑн ҫирӗплетсе каланӑ Раҫҫей империйӗн правительствине ХХ ӗмӗр пуҫламӑшӗнче ертсе пынӑ П.А. Столыпин хӑй пуҫласа янӑ реформӑсем пурнӑҫа кӗрессе ҫирӗп шанса. 1906 ҫулхи чӳкӗн 9-мӗшӗнче тухнӑ саккунпа килӗшӳллӗн ҫӗр ӗҫлесе пурӑнакансене хӑйсем усӑ куракан ана-ҫарана харпӑрлӑха куҫарма ирӗк панӑ. Анчах пысӑк улшӑнусем «ҫӳлтен» килнӗ пулин те хура халӑх ӗмӗртен килекен йӗркесене пӑрахӑҫа кӑларма васкаман. Ҫапах та уйрӑм ялсенче ҫӗнӗлле пурӑнса пӑхас текенсен пӗчӗк ушкӑнсем тупӑнкаланӑ. Ҫакна Чӑваш Республикин истори архивӗнче упранакан ҫӗр планӗ те ҫирӗплетет. Ӑна Ҫӗрпӳ уесенчи Мами вулӑсне кӗрекен Анаткас Татмӑш, Вӑтакас Татмӑш тата Пукӑртан ялӗсен ҫӗрне уйрӑм ҫынсене касса панӑ май хатӗрленӗ. №683 копия |
|
Культура
 vk.com/dramteatr21 сӑнӳкерчӗкӗ Чӑваш патшалӑх академи драма театрӗ режиссёра пулӑшакан ӗҫе илессине пӗлтерет. Режиссёр ассистенчӗн йӗркелу ӗҫӗпе аппаланмалла, унӑн опыт пулмасан та тем мар. Анчах ҫав ҫыннӑн ӗҫе йӗркелеме пӗлмелле, пултарулӑх коллективӗпе пӗр чӗлхе тупма ӑста пулмалла, тимлӗх кирлӗ. Ассистентӑн репетици планне йӗркелеме хутшӑнмалла, расписанире пулса иртекен улшӑнусене сӑнасах тӑмалла, репетицисене сиктермелле мар, спектакльсемпе концертсем лартнӑ чух яваплӑ пулмалла, тӗп режиссёр хушнине пурнӑҫламалла. Хыпар ҫӑлкуҫӗ:
|
|
Спорт
 "Контактри" сӑн Мускав ҫывӑхӗнчи Одинцово хулинче СССР спорт мастерӗн Артур Аветисяна халалласа каратэ енӗпе анлӑ турнир иртнӗ. Унта Раҫҫейри 42 регионти 2200 ытла спортсмен хутшӑннӑ. Чӑваш Енри спортсменсем те вӑй виҫнӗ. Ку кӑна мар, лайӑх кӑтартусемпе те палӑрнӑ. Владимир Шурманов, Георгий Яковлев тата Кирилл Исайкин хӑйсен ӳсӗмӗнчи спортсменсемпе тупӑшса ылтӑн медаль ҫӗнсе илнӗ. Иван Белов тата Руслан Самарин кӗмӗл медальлӗ пулнӑ. Анна Яковлева пӑхӑр медале тивӗҫнӗ. Ксения Никитина 18-20 ҫулсенчи спортсменсен хушшинче чи лайӑххи пулнӑ. Хыпар ҫӑлкуҫӗ:
|
|
Культура
 cheb-centr.soc.cap.ru сӑнӳкерчӗкӗ Шупашкар хулинчи халӑхӑн социаллӑ ыйтӑвӗсене тивӗҫтерекен комплекслӑ центрта ӗнер Ҫӑварни уявне ирттернӗ. Вӑл Стрелоксен 324-мӗш дивизийӗнче вырнаҫнӑ «Манӑн социаллӑ центр» клубра иртнӗ. Мероприятие Екатерина Ворошилова тата Оксана Николаева специалистсем хатӗрленӗ. Ҫӑварние пуҫтарӑннисем сӗтел тулли апат-ҫимӗҫ хатӗрленӗ. Тутлӑ икерчӗпе, ытти апат-ҫимӗҫпе сайланнипех ҫырлахман, тӗрлӗ вӑйӑ ирттернӗ, чӑвашла юрласа та ташласа савӑннӑ. «Паянхи уярра эпӗ ҫамрӑк чухнехи Ҫӑварние аса илтӗм. Чӑвашла юрӑсем шарантарса чуна йӑпатрӑмӑр», — тенӗ тава тивӗҫлӗ канури Галина Деомидова. Хыпар ҫӑлкуҫӗ:
|
|
Культура
 "Контактри" сӑн Йӗпреҫ округӗнчи Хурамал ялӗнче ҫӗнӗ клуб хута яраҫҫӗ. Ку ӗҫе Канашри «Строитель» тулли мар общество строителӗсем пурнӑҫлаҫҫӗ. Хальхи вӑхӑтра стенана хӑпартаҫҫӗ, пушар резервуарӗсене тӑваҫҫӗ, канализаци юхса тухмалли вырӑна, таса шыв резервуарне хатӗрлеҫҫӗ. Подрядчик культура ҫурчӗ таврашӗнчи территорие те хӑтлӑлатӗ. Клубра 150 ҫын валли вырӑн, сцена, артистсен пӳлӗмӗ, вестюбель-фойе, гардероб тата унта ӗҫлекенсен пӳлӗмӗсем пулӗҫ. Хыпар ҫӑлкуҫӗ:
|
|
Персона
 "Контактри" сӑн 73 ҫулти Федор Конюхов кимӗпе тӗнче курса ҫӳрет. Унӑн кимми пирӗн патри «Хӗвел» кӑларнӑ хӗвел батарейисемпе ӗҫлет. Вӗсем унта – энерги паракан пӗртер-пӗр ҫӑлкуҫ, электроникӑна, ҫав шутра навигаци тытӑмне те, ӗҫлеме май параҫҫӗ. Федор тӳрех икӗ океана парӑнтарасшӑн: Атлантика тата Инди. Ҫапла вӑл Кӑнтӑр Америкӑран Автралие ҫитесшӗн. Унӑн Хӗвелтухӑҫ Австралинчи Люин хысак таран ҫитме тата 4200 тинӗс милӗ юлнӑ. Хыпар ҫӑлкуҫӗ:
|
|
Персона
 "Про Город" тунӑ сӑн Муркаш округӗнчи чӑваш халӑх ӑсти Петр Мазуркин йывҫӑран темӗн те пӗр ӑсталать: савӑт-сапаран пуҫласа музыка инструменчӗсем таранах. Хальччен вӑл 2 пин ытла япала тунӑ. Хӑй каланӑ тӑрӑх, вӑл яланах йывӑҫран савӑт-сапа касса кӑларма юратнӑ. Ҫапла пуҫланса кайнӑ та унӑн ӗҫӗ. Сӑмах май, унӑн япалисем 100 пин тенкӗ таран тӑраҫҫӗ. Мӑшӑрӗ Зинаида халӑх костюмӗсене ҫӗлет, пуканесем ӑсталать, тӗрлет. Халӗ вӗсем М-7 ҫул хӗрринче «Мазуркинсен вернисажне» тытса пыраҫҫӗ, экскурсисем, ачасемпе занятисем ирттереҫҫӗ. Хыпар ҫӑлкуҫӗ:
|
|
Культура
 К.В. Иванов ячӗллӗ Чӑваш патшалӑх академи драма театрӗ Пӗтӗм тӗнчери хӗрарӑмсен кунне уявлама чӗнет. Пуш уйӑхӗн 8-мӗшӗнче унта «Ҫурхи кулӑш миххи» спектакль-концерт иртӗ. «Кулленхи ӗҫсене хӑварса кӑмӑл-туйӑмпа илем тӗнчине путӑр. Сирӗн юратнӑ артистсем сцена ҫине илемлӗ юрӑ-ташӑпа, шӳтлӗ халапсемпе тухӗҫ. Кашни юрӑ, кашни ташӑ, кашни ӑшӑ сӑмах ҫак концертра йӑлт сире валли пулӗ», — тесе йыхравланӑ анонсра. Концерт хыҫҫӑн парнепе савӑнтарма шантараҫҫӗ. Хыпар ҫӑлкуҫӗ:
|
+13.3 °C
