|
Персона
 Леонид Петров страницинчен илнӗ сӑнӳкерчӗк Нарӑс уйӑхӗн 2-мӗшӗнче Александр Алимасов (02.02.1935 – 08.02.2011) портретист, живописец, график, Чӑваш художникӗсен союзӗн пайташӗ, художество культурин паллӑ деятелӗ, Чӑваш Республикин культура тава тивӗҫлӗ ӗҫченӗ ҫуралнӑранпа 90 ҫул ҫитнӗ. Александр Никанорович пирки Леонид Петров халӑх тетелӗнчи хӑйӗн страницинче «тивӗҫлипе хакласа ҫитереймен художник» тесе палӑртнӑ. «Тӑван халӑх историйӗпе тата хальхи вӑхӑтрисемпе ҫыхӑннӑ тӗрлӗ темӑсемпе ӳкернӗскер, пирӗн шутпа чӑваш искусствине чылай ҫул хушши ҫӳлте тытса пыма пултарнӑ. Пӗр тӗслӗх ҫеҫ. Унӑн мухтавлӑ ӗҫӗсенчен пӗр пӗчӗк пайӗ ҫеҫ – 13 портрет (П.Е. Егоров, Н.Я. Бичурин, Н.И. Ашмарин, Н.В. Никольский, И.Я. Яковлев, К.В. Иванов, В.И. Чапаев, А.Н. Крылов, А.А. Изотов, П.П. Хусанкай, А.Г. Николаев, Н.В. Павлова, Н.В. Федоров) – Мускаври Чӑваш Республикин представительствинче упранать. Унти чӑваш живопиҫӗн пысӑк художествӑллӑ произведенийӗсен йышӗнче (кун пек янӑравлӑ сӑмахсене критиксем каланӑ!) 14-мӗш портрет, пирӗн пурнӑҫа та хӑй ҫапларах пурӑнас хавалӗпе кӗрсе юлнӑскер, ҫук пек туйӑнать. Пулмаллах, вӑл та. Александр Алимасов (хушамачӗн ӑш-чиккинче темскерле эреш те пурах-тӑр! Хыпар ҫӑлкуҫӗ:
|
|
Чӑваш чӗлхи
 https://vk.com/album-136634421_306115415 альбомран илнӗ сӑнӳкерчӗк Чӑваш Енре сӑвӑ вулакансен «Сӑмах хӑвачӗ» конкурс-фестивалӗ виҫҫӗмӗш хут иртнӗ. Вӑл хальхинче те Муркаш тӑрӑхӗнчи Калайкасси шкулӗнче пулнӑ. Сӑвӑ калассипе кӑҫал 150 ача ӑмӑртнӑ. Ачасем хӑйсен ҫулне кура икӗ секцире ӑмӑртнӑ. «Эпир пулнӑ, пур, пулатпӑр!» секцире чӑваш халӑх поэчӗ Петӗр Хусанкай сӑввисене вуланӑ. «Муркаш сасси» секцире Муркаш районӗнче ҫуралнӑ поэтсен хайлавӗсене е Муркаш тӑрӑхне, халӑхне, паллӑ ҫыннисене халалланӑ сӑвӑсене вуланӑ. 1-4 классен хушшинче Петӗр Хусанкай сӑввисене 50-а яхӑн ача вуланӑ. Ачасене чӑваш халӑх поэчӗ Юрий Сементер, Чӑваш Республикин культура тава тивӗҫлӗ ӗҫченӗ Виталий Романов, Чӑваш Республикин культура тава тивӗҫлӗ ӗҫченӗ Альбина Юрату тата Николай Кузьмин, чӑваш халӑх поэчӗ Раиса Сарпи, Чӑваш Республикин культура тава тивӗҫлӗ ӗҫченӗ Эдуард Бахмисов, чӑваш халӑх поэчӗ Светлана Асамат, Чӑваш Енӗн Наци вулавӑшӗн наци литературипе библиографи пайӗн тӗп библиотекарӗ Антонина Андреева хакланӑ. Хыпар ҫӑлкуҫӗ:
|
|
Спорт
 Анна Попова тунӑ сӑн Ирӗклӗ майпа кӗрешекен Кирилл Казаков хӑлха илтменнисен Раҫҫей ӑмӑртӑвӗнче ылтӑн медаль ҫӗнсе илнӗ. Тупӑшу Орел хулинче иртнӗ. Кирилл 79 килограмм тайманнисен виҫе категорийӗнче вӑй виҫнӗ. Вӑл 21 ҫул тултарманнисен йышӗнче ылтӑн медале тивӗҫнӗ. Маттур спортсмена ЧР спорт министрӗ Василий Петров телеграм-каналӗнче саламланӑ. Палӑртса хӑварар: Кирилл Олимп резервӗсен В.Н.Кочков ячӗллӗ спорт шкулӗнче Евгений Думчев тата Александр Ефимов тренерсем патӗнче ӑсталӑхне туптать. Хыпар ҫӑлкуҫӗ:
|
|
Республикӑра
 mospat.ru сайтри сӑн Елчӗк округӗнчи Анат Тимеш ялӗнче пурӑнакан 47 ҫулти хӗрарӑма судпа айӑпланӑ. Вӑл тӑванӗн машинине сиенлетнӗ. Пӗррехинче ун патне машинӑпа тӑванӗ килнӗ - унчченхи хирӗҫӳшӗн мирлешме. Анчах вӗсем мирлешеймен. Ҫак хӗрарӑм кирпӗч татӑкӗ илнӗ те машинӑн алӑкне, тӗкӗрне, малти пайне сиенлетнӗ. Тӑкак 50 пин тенкӗпе танлашнӑ. Хӗрарӑм хӑйӗн айӑпне йышӑннӑ. Тӑкака саплаштарнӑ. Суд ӑна 60 сехет ӗҫлеттермелле тесе йышӑннӑ. Хыпар ҫӑлкуҫӗ:
|
|
Афиша
 Виктор Петровӑн халӑх тетелӗнчи страницинчи сӑн «Пуринчен малтан» телеграм-канал пӗлтернӗ тӑрӑх, Виктор Петров шоумен Кулӑш кунне халалласа концерт лартасшӑн. Афиши ҫине «нормальный ҫынсемпе» пенсионерсене чӗннине пӗлтернӗ. Ыттисен пыма юрать-ши вара? «Нормальный ҫынсем» камсем-ши вӗсем? Хыпар ҫӑлкуҫӗ:
|
|
Чӑваш чӗлхи
 Чӑваш кӗнеке издательствин сӑнӳкерчӗкӗ Чӑвашла роман ҫыракансем кӑҫал та конкурса хутшӑнма пултараҫҫӗ. «Чӑваш романӗ» пултарулӑх ӑмӑртӑвне Чӑваш кӗнеке издательстви виҫҫӗмӗш хут ирттерет. Конкурса халиччен кӗнекен пичетленмен чӑвашла алҫырусене йышӑнӗҫ. Ӗҫӗн А4 форматпа 700 страницӑран ытла пулмалла мар. Конкурс ӗҫӗсене кӑҫалхи юпа уйӑхӗн 1-мӗшӗччен fed_ol@mail.ru электрон адреспа е почтӑпа ҫак адреспа ярса памалла: 428019, Шупашкар хули, Иван Яковлев проспекчӗ, 13-мӗш ҫурт, Чӑваш кӗнеке издательстви, «Чӑваш романӗ» конкурса». Хыпар ҫӑлкуҫӗ:
|
|
Культура
 Литература музейӗн сӑнӳкерчӗкӗ Нарӑс уйӑхӗн 7-мӗшӗнче К. А. Иванов ячӗллӗ Литература музейӗнче «Чӑваш позийӗн ҫӑлтӑрӗ» курав уҫӑлӗ. Ӑна вилӗмсӗр «Нарспи» авторӗ, питех те кӗске кунҫулӗнче ӗмӗрлӗхе ят хӑварнӑ Константин Иванов ҫуралнӑранпа 135 ҫул ҫитнине халаллӗҫ. Курав Константин Ивановӑн тӗрлӗ енлӗ пултарулӑхӗпе: фольклортан пуҫласа фото ӗҫӗ таран —паллаштарӗ. Чӑваш яшӗн идеалӗ Леонардо да Винчи пулнӑ иккен. Михаил Лермонтов пекех вӑл темпе те кӑсӑкланнӑ. Этнограф, фольклорист, чӗлхеҫӗ, литератор, тӑлмачӑ, педагог, художник, музыкант, фотограф, инженер — ҫакӑн пек тӗрлӗ енлӗ ҫын пулнӑ вӑл. Хыпар ҫӑлкуҫӗ:
|
|
Персона
 Чӑваш радиовӗн халӑх тетелӗнчи страницинчен илнӗ сӑнӳкерчӗк Чӑваш Республикин искусствӑсен тава тивӗҫлӗ деятелӗ, музыковед, тележурналист, композитор Александр Осипов кӑрлач уйӑхӗн 27-мӗшӗнче 70 ҫул тултарнӑ. Александр Осипов Канаш районӗнчи Юмансар ялӗнче ҫуралнӑ. Шупашкарти музыка училищинче фортепиано класӗнче, Хусанти патшалӑх консерваторийӗнче теорипе композитор факультетӗнче вӗреннӗ. 1980-1984, 1990-1996 Чӑваш патшалӑх гуманитари ӑслӑлӑхӗсен институтӗнче ӑслӑлӑх ӗҫченӗ пулса ӗҫленӗ. Шупашкарти музыка училищинче те тӑрӑшнӑ. 1996 ҫултанпа Чӑваш патшалӑх телерадиокомпанийӗнче тӑрӑшнӑ. Хыпар ҫӑлкуҫӗ:
|
|
Ял хуҫалӑхӗ
 ru.sputnik.kg сайтри сӑн Хӗл ӑшӑ тӑрать. Шартлама сивӗ марри паха-ха. Анчах Раҫҫейри темиҫе регионта саранча ӗрчес хӑрушлӑх пур. Кун пирки Россельхозцентр асӑрхаттарать. Ведомство пӗлтернӗ тӑрӑх, кун пек хӑрушлӑх Аҫтӑрхан, Волгоград, Иркутск, Ҫӗнҫӗпӗр, Ӗренпур, Самар, Чӗмпӗр, Челепи облаҫӗсем, Алтай, Краснодар, Ставрополь крайӗсем, Чӑваш, Тутар, Пушкӑрт, Дагестан, Ингуш, Калмӑк, Хакас, Чечня, Якут республикисенче пур. «Саранча темиҫе тапхӑрпа аталанать, ку вара уйрӑмах хӑрушӑ. Ҫавӑнпа вӑхӑтра мерӑсем йышӑнмалла. Хӑш-пӗр регионти аграрисем хурт-кӑпшанка вӑхӑтра асӑрхас тӗллевпе уй-хирте пурӑнаҫҫӗ тесен те йӑнӑш мар. Лару-тӑрӑва тишкерсех тӑратпӑр. Кирлӗ пулсан инсектицидсене сапма авиаципе тата ытти техникӑпа усӑ курӑпӑр», — пӗлтернӗ Россельхознадзорта. Хыпар ҫӑлкуҫӗ:
|
|
Республикӑра
 ldpr.ru сайтри сӑн Ҫӗрпӳ округӗнчи хӗрарӑма алимент тӳлемен тесе айӑпланӑ. Ку тивӗҫрен пӑрӑнма унӑн нимӗнле сӑлтав та пулман. Ҫапла пӗлтерет Чӑваш Республикин прокуратури. Ҫак хӗрарӑма унччен те алимент тӳлемен тесе административлӑ майпа явап тыттарнӑ. Анчах вӑл суд йышӑнӑвне шута хуман. Ҫапла парӑм ӳссе пынӑ, 1 миллион тенке ҫитнӗ. Суд хӗрарӑма колони-поселение 9 уйӑхлӑха ӑсатма йышӑннӑ. Хыпар ҫӑлкуҫӗ:
|
-7.7 °C