|
Республикӑра
 "Контактри" сӑн Куславкка округӗнчи Варасӑр ялӗнче пурӑнакан Самолетовсем пӗрлешнӗренпе ҫур ӗмӗҫ ҫитнине паллӑ тунӑ. Вӗсем 1975 ҫулхи кӑрлач уйӑхӗн 3-мӗшӗнче ҫемье ҫавӑрнӑ. Унтанпа вӗсем пӗрле. Еленӑпа Геннадий ывӑлпа хӗр ӳстернӗ. Нумаях пулмасть вӗсен йыш хушӑннӑ: икӗ мӑнук ҫуралнӑ. Хыпар ҫӑлкуҫӗ:
|
|
Культура
 Шупашкарти комплекслӑ центр сӑнӳкерчӗкӗ Шупашкарти ватӑсем тӳлевсӗр концертра пулнӑ. Питӗрти «Посолонь» вокал ансамблӗн концертне Шупашкар хулинчи халӑхӑн социаллӑ ыйтӑвӗсене тивӗҫтерекен комплекслӑ центрӗнчи кӗмӗл волонтёрсем тивӗҫнӗ. Вырӑс драма театрӗн сцени ҫинче 4 сасӑ пӗрлешсе тыткӑнламалла янӑранӑ. «Концерт питӗ килӗшрӗ», — тенӗ концертра пулнӑ Татьяна Тихонова. Хыпар ҫӑлкуҫӗ:
|
|
Культура
 Чӑваш патшалӑх филармонийӗн сӑнӳкерчӗкӗ Чӑваш Енри артист Китайра пулнӑ. Пӗрре ҫеҫ мар-ха. Темиҫе те. Сӑмах Чӑваш патшалӑх филармонийӗн артисчӗ Иван Снигирев пирки пырать. 2024 ҫул Китайпа Раҫҫей хушшинчи туслӑх ҫирӗпленнӗренпе 75 ҫул ҫитнине халалланӑ ҫулталӑк пулнӑ. Ҫавна май унта пирӗн ҫӗршыв артисчӗсем концерт та кӑтартнӑ. Чӑваш Республикин тава тивӗҫлӗ артисчӗ Иван Снигирев Китайра пӗлтӗр 12-мӗш хутчен пулнӑ. Хальхинче унта вӑл Липецкри симфони оркестрӗпе пӗрле кайнӑ. «Дружба народов России и Китая» (чӑв. Раҫҫейпе Китай хушшинчи халӑхсен туслӑхӗ) гастроль турне ирттернӗ май артистсем Урумчи, Иньчуань, Наньцзин, Хэфэй, Бэнбу, Шиянь, Цзыбо тата Дунъин хулисенче пулнӑ. Иван китай чӗлхипе темиҫе юрӑ вӗреннӗ. Хыпар ҫӑлкуҫӗ:
|
|
Республикӑра
 "Контактри" сӑн Красноармейски округӗнче вак касса пулӑ тытас енӗпе Раштав ӑмӑртӑвӗсем иртнӗ. Ҫӗнтерӳҫӗсене темиҫе номинаципе палӑртнӑ: тытнӑ пулӑ шучӗпе, чи малтан тытнӑ пысӑк пулла кура, вак касас енӗпе. Ҫӗнтерӳҫӗ ятне Сергей Васильев тивӗҫнӗ. Ӑмӑртурту вӗҫленсен пурте кӑвайт патне пухӑннӑ, техӗмлӗ пулӑ шӳрпипе сӑйланнӑ. Хыпар ҫӑлкуҫӗ:
|
|
Республикӑра
 ШӖМ тунӑ сӑн Сӗнтӗрвӑрри округӗнчи полицейскисем вӑрманта ҫухалса кайнӑ арҫынна киле ҫитме пулӑшнӑ. Кӑрлачӑн 5-мӗшӗнче Шупашкарти хӗрарӑм полицие шӑнкӑрааласа 36 ҫулти упӑшки лесник патне хӑнана кайма тухсан ҫухалса кайнине пӗлтӗрнӗ. Лешӗ кун пирки шӑнкӑравласа калама ӗлкӗрнӗ, кайран телефонӗ сӳнсе ларнӑ. Полици капитанӗ Григорий Шестаков тата полици майорӗ Юрий Павлов вӑрмана ҫитнӗ те арҫынна, йӗрӗ тӑрӑх шырама пуҫланӑ. 10 ҫухрӑм утнӑ вӗсем. Юлашкинчен утарти сарай патне пырса тухнӑ. Ҫӳхерех тӑхӑннӑ арҫын унта пытаннӑ. Полицейскисем ӑна вӑрмантан тухма пулӑшнӑ. Хыпар ҫӑлкуҫӗ:
|
|
Культура
 Чӑваш Енри писательсен союзӗн сӑнӳкерчӗкӗ Чӑваш Енри профессионал писательсен союзӗ Литература ёлки пулассине пӗлтерет. Кун пирки вӑл халӑх тетелӗнчи хӑйӗн страницинче хыпарланӑ. Кун пек мероприятие союз юлашки ҫулсенче пӗрмаях йӗркелет. Унта иртсе кайнӑ литература ҫулталӑкне пӗтӗмлетӗҫ, малашлӑх плансене сӳтсе явӗҫ. Литература ёлки кӑрлач уйӑхӗн 12-мӗшӗнче Хусанкай урамӗнчи 20-мӗш ҫуртра 13 сехетре пуҫланӗ. Хыпар ҫӑлкуҫӗ:
|
|
Культура
 Лариса Петрова страницинчен илнӗ сӑнӳкерчӗк Чӑваш Енре Ҫамрӑк авторсен клубӗ ӗҫлесе кайнӑ. Вӑл иртнӗ ҫул вӗҫӗнче, раштав уйӑхӗн 27-мӗшӗнче, хӑйӗн ӗҫне пуҫӑннӑ. «Вӗсене пӑхсан пирӗн республикӑра поэзин ҫӗнӗ варкӑшӗ килес пекех туйӑнчӗ. Мӗн тери шухӑшлӑ сӑвӑсем итлесе килентӗм Ҫамрӑк авторсен клубӗн пӗрремӗш тӗлпулӑвӗнче! В Пӗрремӗш тӗлпулу Шупашкарта Л.Агаков ячӗллӗ вулавӑшра иртрӗ. Малалла вара тата кӑсӑклӑрах пулӗ. Ҫамрӑк авторсем кашни уйӑхрах ҫапла пуҫтарӑнса сӑввисемпе паллаштарӗҫ, калаҫусем ирттерӗҫ. Чӑвашла-и, вырӑсла-и е ытти чӗлхепе ҫыратӑр – Ҫамрӑк авторсен клубӗ пурне те хапӑл!» — хыпарланӑ Лариса Петрова сӑвӑҫ халӑх тетелӗнчи хӑйӗн страницинче. Хыпар ҫӑлкуҫӗ:
|
|
Персона
 "Контактри" сӑн Документра палӑртнӑ тӑрӑх, Нина Конова 1925 ҫулхи кӑрлач уйӑхӗнче ҫуралнӑ. Анчах хӑй каланӑ тӑрӑх, вӑл 1 ҫул маларах кун ҫути курнӑ, документсене илнӗ чухне хӗр тусӗн ҫуралнӑ кунне каланӑ. Эппин, Нина Николаевна 101 ҫул тултарнӑ. Вӑрҫӑ вӑхӑтӗнче вӑл Хусан ҫывӑхӗнче окоп чавнӑ. Вӑрҫӑ пӗтсен качча кайнӑ, мӑшӑрӗпе 4 ача ҫуратса ӳстернӗ. Нина Николаевна судоверфинче ӗҫленӗ. Халӗ кинемей хӗрӗпе пурӑнать. Ахаль лармасть вӑл, мӗн те пулин тума тӑрӑшать. Хыпар ҫӑлкуҫӗ:
|
|
Ҫутҫанталӑк
 Паян, Раштав каҫӗнче, ҫанталӑк сивӗтет: термометр 8-13 градус таран кӑтартӗ. Гидрометцентр пӗлтернӗ тӑрӑх, ҫитес 5 кунра нормӑран 7 градус ӑшӑрах пулӗ. Кун пек ҫанталӑк кивӗ Ҫӗнӗ ҫулчченех хуҫаланӗ. Ыран кӑнтӑрла хыҫҫӑн юр ҫума тытӑнӗ те ҫӗрлечченех чарӑнмӗ. Ҫил вӑйланнӑран ҫил-тӑман ҫӗкленӗ. Юнкун ҫумӑр ҫӑвӗ, ҫӗрле - йӗпе юр. Виҫӗ кунра уйӑхри нормӑн 40 проценчӗ ҫума пултарать. Эрне вӗҫнелле ҫил чарӑнӗ, тӗтре карса илӗ. Ҫулсем шуҫлак пулӗҫ. Малтанлӑха пӗлтернӗ тӑрӑх, кӑрлачӑн 17-18-мӗшӗсенче ҫанталӑк нормӑна кӗрӗ. Виҫҫӗмӗш декада пуҫламӑшӗнче арктика сивви килӗ. Хыпар ҫӑлкуҫӗ:
|
|
Ҫутҫанталӑк
 Cap.ru видеовӗнчен илнӗ скриншот Чӑваш Енри вӑрмансенче пурӑнакан пӑшисем ҫул ҫине час-часах тухаҫҫӗ. Халӗ вӗсене Ҫӗрпӳ районӗнче асӑрханӑ. Кун пирки Чӑваш Енӗн влаҫ органӗсен халӑх тетелӗнчи официаллӑ страницинче пӗлтернӗ. Ҫӗрпӳ районӗнче пӑши ҫемйи (амӑшӗ тата икӗ ҫури) апатланма тухнӑ. Чӑваш Енре, сӑмах май каласан, 2 063 пӑшие шута илнӗ. Хыпар ҫӑлкуҫӗ:
|
-8.7 °C