Николай Ытарай сӑвӑҫӑн кӗнекине куҫ начар куракан ачасем валли пичетлесе кӑларнӑ. Унпа Л.Н. Толстой ячӗллӗ вулавӑшра паллашма пулать.

Кӗнекери сӑвӑсене брайлер шрифчӗпе пичетленӗ. Кӑларам ячӗ — «Чӗр чунсем – пирӗн туссем» = «Животные – наши друзья». Ӑна ҫыравҫӑ ҫуралнӑранпа 100 ҫул ҫитнине халалласа кун ҫути кӑтартнӑ. Сӑмах май каласан, Николай Васильевичӑн кӗнекине унччен апла шрифтпа пичетлесе кӑларман.

dzen.ru сайтри сӑн. Алина Денисова - сулахайри

Ижевск хулинче «Атӑлҫи федераци округӗн мисӗ тата мисиссӗ» илем конкурсӗ вӗҫленнӗ. Унта Чӑваш Енри, Удмуртири, Пушкӑртстанри тата Тутарстанри 99 чиперкке тупӑшнӑ.

Пирӗн ентеш Алина Денисова «Атӑлҫи федераци округӗн мисиссӗ» ята ҫӗнсе илнӗ. Вӑл Канаш округӗнче ҫуралса ӳснӗ, халь Ижевск хулинче ӗҫлесе пурӑнать. Вӑл - усламҫӑ. Ача ҫурчӗсене, йывӑрлӑха лекнӗ хӗрарӑмсене, килсӗр чӗрчунсене пулӑшать. Халӗ Мускаври конкурса хутшӑнма хатӗрленет, пурӑна киле тӗнче шайне тухма ӗмӗтленет.

Чӑваш эстрада юрӑҫи Ольга Осипова пӗтӗм тӗнчери «Музыка караванӗ» хит-парадра пӗрремӗш вырӑн йышӑннӑ. Унӑн «Пӗлӗт, пӗлӗт» юрри 500 юрӑран чи лайӑххи пулнӑ.

Ольга хӑйех юрӑсем ҫырать. Вӑл ултӑ чӗлхепе юрлать. Кунсӑр пуҫне «Юхха» фильмра ӳкерӗннӗ, унти трюксене хӑйех пурнӑҫланӑ.

Палӑртмалла: Ольга Элӗк тӑрӑхӗнчи Атмалкассинче ҫуралнӑ, И.Я.Яковлев ячӗллӗ Чӑваш патшалӑх педагогика университетӗнчен хӗрлӗ дипломпа вӗренсе тухнӑ.

Сергей Артамонов архивӗнчи сӑн

Сергей Артамонов текех ял хуҫалӑх министрӗ мар. Халь Миристрсен Кабинечӗн председателӗн ҫумӗн тивӗҫӗсене те пурнӑҫламасть. Хушӑва ЧР Элтеперӗ Олег Николаев алӑ пуснӑ. Унччен Сергей Геннадьевич икӗ должноҫре те ӗҫленӗ.

Сергей Артамонов ял хуҫалӑх министрӗнче 2015 ҫултанпа ӗҫленӗ.2017 ҫулхи кӑрлач уйӑхӗнченпе вице-премьер пулнӑ.

cap.ru сӑнӳкерчӗкӗ

Шупашкарта ҫӗнӗ больница тӑвасшӑн. Ҫак темӑна республика Элтепере Олег Николаев Мускавра пулнӑ чухне Раҫҫейӗн строительство министрӗпе Ирек Файзуллинпа тӗл пулсан хускатнӑ.

Шупашкарта Республикӑн клиника больницин ҫӗнӗ комплексне тӑвасшӑн. Проектпа пӑхҫа хӑварна тӑрӑх, больницӑн корпусне, Президент перинаталь центрне, Васкавлӑ пулӑшу больницине тата Республикӑн судпа медицина бюровӗн экспертизин тата Инкексен тата васкавлӑ медицина пулӑшӑвӗн медицинин республикӑри центрӗн окрпусӗсене тӑвасшӑн. Комплексӑн пӗтӗмӗшле хӑвачӗ 1424 койкӑпа танлашӗ.

Россельхознадзор тунӑ сӑн

Пушӑн 5-мӗшӗнче Россельхознадзорӑн Чӑваш Енри тата Чӗмпӗр облаҫӗнчи управленийӗн ӗҫченӗсем ҪҪХПИпе пӗрле А-151 автоҫулӑн 95-мӗш ҫухрӑмӗнче машинӑна чарнӑ.

Вӑл Патӑрьел округӗнчи Шӑнкӑртама кайма тухнӑ. Фургонра 6 мӑйракаллӑ шултра выльӑх пулнӑ - 4 ӗне те 2 пӑру. Вӗсен ветеринари сертификачӗсем пулман. Машинӑра пӗр вилнӗ ӗне пулнӑ.

Водитель каланӑ тӑрӑх, выльӑха Тутарстана туяннӑ, ҫул ҫинчи кӗтмен лару-тӑру сиксе тухнӑран пӗр ӗнине пусма тивнӗ.

kaliningrad.rbc.ru сайтри сӑн

ЧР Министрсен Кабинечӗн ларӑвӗнче ӗҫ ветеранӗсемпе тыл ӗҫченӗсене паракан тӳлеве ӳстерме йышӑннӑ. Малашне вӗсем 179 тенкӗ ытларах илӗҫ. Ҫак тӳлеве нарӑсӑн 1-мӗшӗнчен 11,04 процент индексацилӗҫ.

Ӗҫ ветеранӗсемпе тыл ӗҫченӗсем уйӑхсерен 1802 тенкӗ парӗҫ /1623 тенкӗ пулнӑ/. Политика репрессийӗнчен шар курнисене 3842 тенкӗ тӳлӗҫ /3460 тенкӗ пулнӑ/. Реабилитаци тунӑ ҫынсене 4315 тенкӗ парӗҫ /3886 тенкӗ пулнӑ/.

Инкеклӗ лару-тӑру министерств тунӑ сӑн

Канаш округӗнче арҫын ҫӳп-ҫап ҫунтарма тӑнӑ та ӑнсӑртран газ баллонне сирпӗтнӗ.

Ку Атнаш ялӗнче пулнӑ. Каҫхине 48 ҫулти арҫын пичкери ҫӳп-ҫапа чӗртсе янӑ. Юнашарах газ баллонӗсем пулнӑ. Ҫулӑм ун патне ҫывхарнӑ та баллон сирпӗннӗ. Ҫавна май мунча, сарай стенисем ишӗлсе аннӑ. Арҫын хӑй чутах куҫсӑр юлман.

Вырӑна ҫитнӗ пушарнӑйсем 50 литрлӑ тулли баллона илсе тухса ӗлкӗрнӗ.

Чӑваш патшалах академи драма театрӗн афиши

Чӑваш академи драма тетарӗнче Леонид Родионов ҫуралнӑранпа 110 ҫул, Алексей Ургалкин ҫуралнӑранпа 115 ҫул ҫитнине халалланӑ каҫ иртӗ. Мероприяти пуш уйӑхӗ 21-мӗшӗнче пулӗ.

Леонид Родионов — РСФСР искусствӑсен тава тивӗҫлӗ ӗҫченӗ, Алексей Ургалкин — СССР халӑх артисчӗ.

Чӑваш патшалӑх академи драма театрӗнче калашле, вӗсем иккӗшӗ те — асӑннӑ театрӑн легендисем.

Леонид Родионов 1915 ҫулхи пуш уйӑхӗн 8-мӗшӗнче Самар облаҫӗнче ҫуралнӑ. Шупашкарти музыкӑпа театр училищинче, Мускаври театр ӳнерӗн институтӗнче вӗреннӗ. 1940 ҫултанпа Чӑваш академи драма театрӗнче ӗҫлеме тытӑннӑ. 1941-1947 ҫулсенче труппӑн илемлӗх ертӳҫи пулнӑ, 1968-1979 ҫулсенче — тӗп режиссер. Театрта вӑл 1987 ҫулччен тӑрӑшнӑ. 100 ытла спектакль лартнӑ, 20 ытла драма хайлавӗ ҫырнӑ.

Алексей Ургалкин 1910 ҫулхи пуш уйӑхӗн 17-мӗшӗнче Чӗмпӗр облаҫӗнче ҫуралнӑ. 1932 ҫулта Магнитогорскри ӗҫлекен ҫамрӑксен театрӗнче вӗреннӗ, кайран унта актер пулнӑ.

1938-1940 ҫулсенче Чӑваш патшалах театр училищинче режиссёр ассистентӗнче тӑрӑшнӑ. 1943-1947 ҫулсенче Чӑваш патшалӑх академи драма театрӗн Театр студийӗ ҫумӗнче преподаватель пулса ӗҫленӗ.

Малалла...

«Пуринчен малтан» телеграм-канал пӗлтернӗ тӑрӑх, Санкт-Петербургра «Тӗп район миссисӗ» конкурс пуҫланнӑ. Унта пӗтӗмпе 12 хӗрарӑм хутшӑнать.

Ҫак йышран виҫҫӗшӗ — чӑваш: Татьяна Байбарина, Анастасия Букина тата Ирина Кондакова. Вӗсем ыттисемпе пӗрле коронӑшӑн кӗрешӗҫ. Чиперккесем тӗрлӗ тупӑшура вӑй виҫӗҫ. Унсӑр пуҫне конкурсҫӑсем ӑсталӑх класӗсем ирттереҫҫӗ. Вӗсенчен пӗрне Анастасия Степанова (сӑн ӳкерчӗкре хӗрлӗ хӑю ҫакнӑ пике) йӗркеленӗ. Вӑл – чӑваш, илем конкурсӗсене хутшӑнать.