cheb-centr.soc.cap.ru/press-centr сӑнӳкерчӗкӗ

Шупашкарта пурӑнакан 92 ҫулти Галина Маскевич темиҫе ҫул каялла кӗнеке пичетлесе кӑларнӑ. Галина Фёдоровнӑна пӗлтӗрхи утӑ уйӑхӗнченпе Шупашкар хулинчи халӑхӑн социаллӑ ыйтӑвӗсене тивӗҫтерекен комплекслӑ центрӗн социаллӑ ӗҫченӗ Анна Христофорова пӑхса тӑрать.

Чӗмпӗр облаҫӗнче ҫуралнӑ хӗрарӑм Канашри педагогика училищинче веренне, кайран вӑл Ҫӗпӗре тухса кайнӑ. Унта педагогика институтӗнче куҫӑнсӑр майпа вӗреннӗ. Унтах вырӑнти каччӑпа паллашна, унпа вӗсем Чӑваш Ене куҫса килнӗ.

Хӗрарӑм Варнарти ял хуҫалӑх техникумӗнче преподавательте ӗсленӗ, литература кружокне ертсе пынӑ. Тава тивӗҫлӗ канӑва тухса вӑл Шупашкарти ача пахчисенчен пӗринче (унта чирле ачасем ҫӳренӗ) 72 ҫула ҫитиччен тӑрӑшнӑ.

2017 ҫулта кинемей «Исповедь души» кӗнеке кун ҫути кӑтартнӑ. Ӑна пичетлеме унӑн веренекенӗсем пулнисем пулӑшнӑ.

cheb-centr.soc.cap.ru сӑнӳкерчӗкӗ

Шупашкар хулинче пурӑнакан ватӑсене киле пырсах ҫӳҫ касаҫҫӗ. Кунта сӑмах хулари халӑхӑн социаллӑ ыйтӑвӗсене тивӗҫтерекен комплекслвӑ центрен социаллӑ ӗҫченӗсем пӑхса пулашакан кинемейсем пирки пырать.

Пуш уйӑхӗн 8-мӗшӗ умӗн кинемейсене хитрелетекеннисем — центрӑн социаллӑ ӗҫченӗсем. Людмила Захарова, Елена Трофимова тата Ольга Филиппова социаллӑ ӗҫченсен алли пур ӗҫе те тытса тума ӑста.

Ватӑсем килтех ҫӳҫ касма май пурришӗн савӑнаҫҫӗ, тав тӑваҫҫӗ.

«Эпӗ Ольга Филипповӑна тав тӑвасшӑн. Ниҫта кайса ҫӳремесӗр хитре пулса тӑтӑм», — ӑшӑ кӑмӑлпа тав тунӑ, сӑмахран, Анна Ташманова ватӑ хӑйне пулашса пыракан социаллӑ ӗҫчене.

Унччен синоптиксем пуш уйӑхӗн сивӗ тата юрлӑ пулассине систернӗччӗ. Халӗ вара прогноз урӑхларах.

Пуш климат норминчен кӑштах ӑшӑрах пулӗ. Сивӗсем, ахӑртнех, ака уйӑхӗнче кӑна таврӑнӗҫ. Ҫу уйӑхӗ вара климат нормипе килӗшсе тӑрӗ.

Пуш пуҫламӑшӗнче юр сахал мар ҫумалла. Ҫапах кӑҫал юр сахал пулнӑран вӑл хӑвӑрт, пуш уйӑхӗн 15-мӗшӗ тӗлне, ирӗлсе пӗтӗ.

Сӑмах май, 5 ҫул каялла хӗлле юр сахал пулнӑ чухне вӑл пуш уйӑхӗн 28-мӗшӗ тӗлне ирӗлсе пӗтнӗ.

"На связи" форумри сӑн

Шупашкарти медицина колледжӗҫ вӗрентекенне сӗтев илнӗшӗн айӑпласшӑн. Виҫӗ эпизодпа пуҫиле ӗҫ пуҫарнӑ.

Следстви палӑртнӑ тӑрӑх, вӑл 2024 ҫулхи пуш-ака, уйӑхӗсенче 3 студентран 3-шер тӗнкӗ илнӗ, ҫапла ют чӗлхе предмечӗпе зачет лартса панӑ.

Пуҫилӗ ӗҫе тишкерсе пӗтернӗ, тӗп хулари Мускав районӗн судне пӑхса тухма панӑ.

"Контактри" сӑн

Вӑрнар округӗнчи Эльмен ялӗнче ӗлӗкхи чиркӗве консерваци тӑвасшӑн. Ҫапла культура палӑкне упраса хӑварса ӑна кайран юсаса ҫӗнетме пултарӗҫ. Ҫакна «Культура аталанӑвӗ» программӑпа килӗшӳллӗн тӑвасшӑн.

Ҫак ялти Хусан чиркӗвне 1825 ҫулта вырӑс классицизмӗпе хӑпартнӑ. Ӑна тума тӑватӑ ялта пурӑнакан ҫынсем пухнӑ. Чиркӗве 1930 ҫулсенче хупнӑ. Унта клуб, минераллӑ удобренисен склачӗ пулнӑ.

Ку пӑтӑрмах пӗлтӗрхи пуш уйӑхӗн 26-мӗшӗнче пулса иртнӗ. Пӗр арҫын Шалти ӗҫсен министерствин Шупашкарти управленийӗн полицин 5-мӗш уйрӑмне сирпӗтмелли хатӗр хунине пӗлтернӗ.

Яваплӑ службӑсем ҫийӗнчех ура ҫине тӑнӑ, анчах йалтах йӗркеллине палӑртнӑ.

Суйса шӑнкӑравлаканни вара 53 ҫулти арҫын пулнӑ. Суд ӑна 6 ҫул та 10 уйӑхлӑха пӗтӗмӗшле режимлӑ юсанмалли колоние асатнӑ.

Шупашкарти шкул ачисем Раҫҫейри паллӑ юрӑҫ Олег Газманов умӗнче юрланӑ. 5-мӗш гимназири ҫамрӑк юрӑҫсем иккӗмӗш вырӑн йышӑннӑ.

«Питӗ кӑткӑс композици. Эсир пултартӑр!» - ҫапла мухтанӑ Раҫҫей халӑх артисчӗ пирӗн ентешсене.

Сӑмах май, ҫак ачасем хӑйсен ушкӑнне йӗркелеме ӗмӗтленеҫҫӗ. Юрӑ авторӗ – Дмитрий Еремеев. Унӑн композицийӗпе кӑсӑкланма пуҫланӑ, ӑна ытти проектра юрлама автортан ирӗк ыйтаҫҫӗ.

culture.cap.ru сӑнӳкерчӗкӗ

Пуш уйӑхӗн 1-мӗшӗнче Ҫеҫпӗл Мишши ячӗллӗ Чӑваш патшалӑх ҫамрӑксен театрӗн артистӗнче ӗҫленӗ Иван Путяков пурнӑҫран уйрӑлса кайнӑ.

Иван Путяков — Чӑваш АССРӗн тава тивӗҫлӗ артисчӗ. Вӑл 1949 ҫулхи раштав уйӑхӗн 4-мӗшӗнче Вӑрмар районӗнчи Кутеснер ялӗнче ҫуралнӑ. 1975 ҫулта Шупашкарти Ф. Павлов ячӗллӗ музыка училищинче вӗренсе тухнӑ. Унта вӑл музыка комедийӗн театрӗн актерӗн ӑсталахне алла илнӗ. Ҫав ҫулах ӑна Ҫамрӑксен театрӗн труппине йышӑннӑ. Унта вал 70 ытла сӑнара калӑпланӑ.

culture.cap.ru сӑнӳкерчӗкӗ

Пуш уйӑхӗн 2-мӗшӗнче Чӑваш патшалӑх академи драма театрӗнче Чӑваш Республикин тава тивӗҫлӗ артисткин Василиса Петровӑн юбилей каҫӗ иртнӗ.

Сцена ӑстине саламлама пынисен йышӗнче Чӑваш Енӗн Патшалӑх Канашӗн депутачӗ Николай Малов та пулнӑ. Вал артиста чечек ҫыххипе тата Тав хучӗпе хавхалантарнӑ.

t.me/tipshem сӑнӳкерчӗкӗ

Чӑваш Енри палла юрӑҫсенчен пӗрне, Типшӗм Сашука, таҫта та хапӑл туса кӗтсе илеҫҫӗ. Ҫакна унӑн ӗҫ графикӗ те ҫирӗплетсе парать.

Пултаруллӑ артистӑн ҫывӑх вӑхӑтра канмалли кун та ҫук тейӗн. Унӑн кашни кунах е концерт, е корпоратив.

Паян, пуш уйӑхӗн 4-мӗшӗнче, артист Сӗнтӗрвӑрри тӑрӑхӗнчи Шуршӑлта концерт лартса парӗ; ыран — Шупашкар районӗнчи Шӗнерпуҫӗнче; пуш уйӑхӗн 6-мӗшӗнче — Муркаш районӗнчи культура ҫуртӗнче; пуш уйӑхӗн 7-мӗшӗнче — Ҫӗнӗ Шупашкарти «Химик» культура ҫуртӗнче; пуш уйӑхӗн 8-мӗшӗнче — Вӑрнар тӑрӑхӗнчи Уравӑшра.

Пуш уйӑхӗн 15-мӗшӗнче артист пауэрлифтинг енӗпе иртекен Чӑваш Енӗн кубокне хутшӑнӗ, спортпа туслӑҫкер унта вӑл хӑй те ӑмартӗ.

Пуш уйӑхӗн 22-мӗшӗнче артист Чӗмпӗр облаҫӗнче пулӗ, 29-мӗшӗнче ӑна Ҫӗнӗ Шупашкарти туя илем кӳме чӗннӗ.