Чӑваш ваттисен тӗп канашӗ черетлӗ суйлавпа шайлав ларӑвӗ ирттерме йышӑнчӗ. Хамӑр йышра тӑракансене (вӑл шутра — вырӑнти пӗрлӗхсен ертӳҫисене те) ятран чӗнессе кӗтмесӗрех ларӑва хутшӑнма, хӑйсен шухӑшӗсене калама ыйтатпӑр.

Килессе-килмессе пӗлтерсе, хӑвӑрӑн шухӑшсене маларах Чӑваш халӑх сайтӗнче каласан тата вырӑнлӑрах пулать тесе шутлатпӑр.

Йыхрав

2025 ҫулхи мартӑн 6-мӗшӗнче 15 сехетре Чӑваш наци вулавӑшӗенче Чӑваш ваттисен тӗп канашӗн (ЧВТК) отчетпа суйлав ларӑвӗ уҫӑлать.

Кун йӗркинче:

1. Ваттисен канашӗн юлашки ҫулсенчи ӗҫӗ-хӗлӗ тата чӑваш чӗлхипе малашлӑх ыйтӑвӗ — ЧВТК Председателӗ Н.М. Адерӑн шайлав сӑмахӗ. (Калаҫӑва хутшӑнма сӗннисем — О.М. Цыпленков, А.О. Бойков, П.С. Пупин, Н.Г. Иванова, Ф.А. Карягин, А.И. Мефодьев, Н.Г. Кондрашкин, К.А. Малышев, Р.Н. Чентаева тата ыттисем).
2. Аслӑ Ҫӗнтерӳ уявне хатӗрленесси тата СВО лару-тӑрӑвӗ (калакансем Н.Н. Максимов, В.В. Мартынов, В.Д. Эльмен, А.А.Тарасов, Х.М. Макаров т. ыт.)
3. Канаша ҫӗнӗ ҫынсене кӗртесси тата тата Кӗреке йышне ҫӗнӗрен суйлани (умсӑмах калаканӗ В.

   Малалла...

cap.ru сӑнӳкерчӗкӗ

Шупашкарта «Пирӗн вӑхӑтри паттӑр» астӑвӑм стенчӗ уҫӑлнӑ. Ӑна тӗп хулари 7-мӗш шкулта вӗреннӗ Олег Беспалова халалланӑ.

Салтак Афганистанра интернационалла тивӗҫе пурнӑҫласа пуҫ хунӑ. Стенда уҫнӑ ҫӗрте унӑн юлташӗсем, пӗрле вӗреннӗ тантӑшӗсем, ветерансем тата хула администрацийӗнче ӗҫлекенсем пулнӑ.

cap.ru сӑнӳкерчӗкӗ

Ҫу уйӑхӗн 7-мӗшӗнче Шупашкарта Ӗҫ паттӑрлӑхӗн стелли патне капсула хурӗҫ, ӑна 20 ҫултан уҫӗҫ. Ун чухне Тӑван ҫӗршывӑн Аслӑ вӑрҫинче ҫӗнтернӗренпе 100 ҫул ҫитет.

Ку шухӑш малтан Ярославль хулинче ҫуралнӑ. Унта ку акцие Ӗҫ паттӑрлӑхӗн хулин ятне тивӗҫнӗ ытти хулара та ирттерме сӗннӗ. Капсулӑна Шупашкар ҫитӗнӗвӗсем пирки, вӑрҫӑ ветеранӗсен аса илӗвӗсене ҫырнӑ ҫырусене вырнаҫтарӗҫ.

https://vk.com/wall-211725618_2329 страницӑран илнӗ сӑнӳкерчӗк

Светлана Асамат поэт Вӑрнар районӗнчи Ҫӗрпел шкулӗнче музыкӑпа литература урокне ирттернӗ.

Аса илтерер: пирӗн республикӑра «Культурӑллӑ юнкун» проект пурнӑҫланса пырать. Ӑна Чӑваш Ен Элтеперӗ Олег Николаев пуҫарнипе ирттереҫҫӗ. Республикӑри культура учрежденийӗсем аякри районсемпе ялсене юнкунсерен ҫитсе хайсен пултарулӑхӗпе паллаштараҫҫӗ.

Светлана Асамат Ҫӗрпел шкулӗнчи ирттернӗ тӗлпулу ачасемшӗн кӑсӑклӑ пулнӑ.

culture.cap.ru сӑнӳкерчӗкӗ

Чӑваш Енӗн Ача-пӑчапа ҫамрӑксен вулавӑшӗнче Улькка Эльменӗн «Интернетри юрату» кӗнекине хӑтланӑ. Унта кӗнеке редакторӗ Ольга Австрийская тата ҫыравҫӑсемпе поэтсем хутшӑннӑ.

Вулавӑшӑн краеведенипе наци литературин пайӗн заведующийӗ Эвелина Малеева палӑртса хӑварнӑ тӑрӑх, «Интернетри юрату» кӗнеке ача-пӑчапа ҫамрӑксем валли ҫырнӑ кӗнекесен алҫырӑвӗсенчен конкурсӗнче ҫӗнтернӗ.

Ҫӗнӗ кӑларӑм Чӑваш кӗнеке издательствинче 2024 ҫул вӗҫӗнче пичетленсе тухнӑ. Кӗнекери тӗп сӑнарсем – хулари шкулта 10-мӗш класра вӗренекенсем: Дима Егоров, Катя Кулагина, Коля Петров, Лариса Игнатьева.

t.me/mvd_chuvashia сӑнӳкерчӗкӗ

Паян, Ҫӗршыв хӳтӗлевҫин кунӗнче, Шупашкарти «Ҫӗнтерӳ» мемориал комплексӗнче чечек хунӑ.

Савӑнӑҫлӑ лару-тӑрура ирттернӗ мероприятие тӗрлӗ шайри тӳре-шара, ҫав шутра Олег Николаев Элтепер те, хутшӑннӑ. Чечеке Ҫар мухтавӗн монуменчӗ, ятарлӑ ҫар операцине хутшӑннӑ паттӑрсен, Афганистанра пуҫ хунисене асра тытса тата Ҫурҫӗр Кавказра вилнисен ячӗпе лартнӑ палӑксем умне чечек хунӑ.

Пушӑн 1-мӗшӗнче Чӑваш патшалӑх филармонине ЧР тава тивӗҫлӗ артистки, Москонцерт солистки Ирина Шоркина «Я признаюсь» концерт программипе килӗ.

Вӑл – пирӗн ентеш, Етӗрне тӑрӑхӗнче ҫуралса ӳснӗ. Ирина Шоркина Шупашкарти концертра хӑйӗн вырӑс тата чӑваш юррисене, романссем, эстрадӑри хитсене юрлӗ.

Чӑваш патшалӑх филармонине унӑн илемлӗ, чӗрӗ сассипе киленме чӗнеҫҫӗ.

"Контактри" сӑн

Ҫӗрпӳре республикӑри ял спорчӗн вӑййисен иккӗмӗш тапхӑрӗ вӗҫленнӗ. Тӗрлӗ округран килнӗ ҫынсем МТЗ-82 трактора итлеттернӗ, ятарлӑ трассӑпа ҫӳрнӗ.

Арҫынсен хушшинче Вадим Головин (Елчӗк округӗ), Борис Головин (Елчӗк округӗ), Евгений Петров (Вӑмар округӗ) мала тухнӑ.

Хӗрарӑмсен хушшинче Эльвира Чугунова (Вӑрнар округӗ), Надежда Концова (Ҫӗмӗрле округ), Алена Ефимова (Шупашкар округӗ) малти вырӑнсене йышӑннӑ.

Шупашкар районӗнчи Хурӑнлӑх ялӗнчи пӗр килте нарӑс уйӑхӗн 8-мӗшӗнче ҫурҫӗр иртни 2 сехетре пушар тухнӑ. 56 ҫулти арҫыннӑн пурлӑхӗ вутра ҫунса кӗлленнӗ. Тӑкак виҫи 5 миллион тенкӗрен иртнӗ.

Тепӗр икӗ кунтан йӗрке хуралҫисем пӑтӑрмах тӗлӗшпе пуҫиле ӗҫ пуҫарнӑ, мӗншӗн тесен пурлӑха ҫын чӗртсе яни ҫиеле тухнӗ. Ку усал ӗҫе унччен судпа айӑпланнӑ икӗ арҫын тума пултарнӑ тесе шухӑшланӑран Шупашкарта пурӑнакан 29 тата 32 ҫулсенчи этемсене тытса чарнӑ. 29-ти арҫын унччен кил хуҫин хӗрӗпе туслӑ пулнӑ, иккӗш уйрӑлса кайсан тавӑрас тенӗ.

"Контактри" сӑн

Ҫӗнӗ Шупашкарти Ольга Когут «Звезда» телеканалпа пыракан «Звезда» вокал конкурсне хутшӑнать. Ӳкерӳ вӗҫленнӗ ӗнтӗ. Кӑҫал ҫуркунне Ольгӑна тӗнче шайӗнчи проектӑн ҫӗнӗ сезонӗнче курма пулать.

Ольга Ҫӗнӗ Шупашкарти 17-мӗш шкулта вӗреннӗ. Вӑл мӗн ачаран сцена, музыка пирки ӗмӗтленнӗ.

Вӑл телекӑларӑмра пӗрремӗш хут ӳкерӗннӗ. Хӑй каланӑ тӑрӑх, ку уншӑн чӑн-чӑн тӗрӗслев пулнӑ. «Тунмастӑп, эрне тӑршшӗпех хумханнипе чӗтрерӗм. Анчах ку опыт маншӑн питӗ паха», - тенӗ Ольга.