|
Ҫул-йӗр
 "На связи" форумри сӑн Сосновкӑпа Шупашкара ҫыхӑнтаракан 333-мӗш маршрут ҫӳреме пӑрахнӑ. Вӑхӑтлӑха, ҫуркуннечен. Перевозчик ҫакна хӗлле пассажирсем сахал ҫӳренипе ҫыхӑнтарнӑ. Хальхи вӑхӑтра Сосновкӑна 2707-мӗш маршрутпа кӑна ҫитме пулать. Вӑл Хулаҫум автовокзалӗн чарӑнӑвӗнчен тапранать. Унтан Гагарин, Калинин урамӗсемпе, Сӗнтӗрвӑрри ҫулӗпе кайса Сосновкӑна ҫитет. Хыпар ҫӑлкуҫӗ:
|
|
Персона
 cap.ru сӑнӳкерчӗкӗ Паян Патӑрьел округӗнчи Шӑнкӑртам ялӗнче пурӑнакан Минникадире Зейдулловна Хамбикова 100 ҫул тултарнӑ. Пурнӑҫӗнче темӗн те курма тивнӗ пулсан пурнӑҫа яланах юратнӑ вӑл. Минникадире Зейдулловна ҫак округрах Ыхраҫырми ялӗнче нумай ачаллӑ хресчен ҫемйинче ҫуралнӑ. Мӗн пӗчӗкрен аслисен ҫумӗнче ӗҫленӗ вӑл. Вӑрҫӑ пӗтсен хӗр Мускава савута ӗҫлеме кайнӑ. Унта вӑл пулас мӑшӑрӗпе паллашнӑ. Вӗсем пӗрле Шӑнкӑртам ялне таарӑннӑ, колхозра ӗҫленӗ, ҫурт ҫӗкленӗ. Мӑшӑр 7 ачана кун ҫути парнелесе ура ҫине тӑратнӑ. Халӗ Минникадире Зейдулловнӑн 23 мӑнук, 40 кӗҫӗн мӑнук, вӗсен икӗ ачи пур. Чухне Хыпар ҫӑлкуҫӗ:
|
|
Политика
 cap.ru сӑнӳкерчӗкӗ Кӑрлачӑн 15-мӗшӗнче республикӑра муниципалитетсенче Правительство кунне ирттерме тытӑнӗҫ. Старт – Улатӑр тата Пӑрачкав округӗсенче. Элтепер Олег Николаев ӑнлантарнӑ тӑрӑх, округри управлени командисемпе пӗрле аталану пӗтӗмлетӗвӗсене пӑхса тухӗҫ, Чӑваш Республикин 2030 ҫулчченхи социаллӑ экономика аталанӑвӗн комплекслӑ программине пурнӑҫламалли плана хатӗрлӗҫ. Кӑҫал пӗрремӗш кварталта республикӑрт мӗнпур округра Правительство кунӗсем иртӗҫ. Хыпар ҫӑлкуҫӗ:
|
|
Пӑтӑрмахсем
 Шупашкарта пурӑнакан 42 ҫулти хӗрарӑм тӗнче тетелӗнче ют ҫынпа калаҫса пурӑннӑ. Лешё хӑйӗнпе актёр тесе паллаштарнӑ. Унпа Шупашкар хӗрарӑмӗ юпа уйӑхӗнченпе ҫыру ҫӳретсе пурӑннӑ. Арҫын ыркӑмӑллӑх ӗҫӗпе тӑрӑшатӑп тесе ӗнентернӗ, анчах укҫа-тенкӗ енчен йывӑрлӑх сиксе тухнӑран Америкӑри Пӗрлешӳллӗ Штатсенчи ҫуртне сутса явма тивнӗ, япаласене Раҫҫее ӑсатас шухӑшлӑ тесе каланӑ. Анчах чикӗре йывӑрлӑх сиксе тухнӑ имӗш, штраф тата патшалӑх пошлини тӳлемелле тесе ӗнентернӗ. Хӗрарам кредит илнӗ, хӑйӗн укҫине хушнӑ, пурӗ 280 пин тенке куҫарса панӑ. Лешӗ унтан тата тепӗр 365 пин тенкӗ ыйтсан хӗрарӑм ултавҫӑпа ҫыхӑну тытнине ӑнланса илнӗ. Хыпар ҫӑлкуҫӗ:
|
|
Хулара
 Ҫӗнӗ Шупашкар администрацийӗн ЗАГС пайӗ 2024 ҫула пӗтӗмлетнӗ. Хулара пӗлтӗр пӗтӗмпе 1005 ача ҫуралнӑ: 512 арҫын ача тата 493 хӗрача. Пепкене сайра тӗл пулакан ят хунӑ тӗслӗх сахал маррине палӑртнӑ. Акпатыр, Гаврил, Добромир, Идрис, Маркус, Ратмир, Рэм, Соломон, Стефан, Тим, Эрик, Яман, Аяз, Назар, Эмиль, Ростислав, Игнат, Вениамин, Всеволод, Ася, Аревик, Давина, Дарьяна, Дилия, Дилноза, Евфимия, Златослава, Илария, Каталея, Любава, Мелисса, Мирра, Нарина, Николина, Рада, Эльза, Ясмин, Агата, Агния – ҫакӑн пек ятсене регистрациленӗ. Тӑтӑшах ят хунисен йышӗнче вара ҫаксем: Матвей, Роман, Кирилл, Мирон, Тимофей, Лев, Александр, Ева, Мария, Валерия, Алиса, Василиса, Варвара, Анна, София. Хыпар ҫӑлкуҫӗ:
|
|
Ял пурнӑҫӗ
 Йӗпреҫ округӗнчи Хурамал ялӗнче пурӑнакан Николай Квасов кил-ҫуртне юмахри пек илемлетсе лартнӑ. Вӑл аякранах курӑнса, иртен-ҫӳрене илӗртсе ларать. 83 ҫулти Николай Квасов ҫуртне йывӑҫран касса кӑларнӑ эрешсемпе хитрелетнӗ. Кашни детале хӑйӗн чунӗ витӗр кӑларнӑ вӑл. Кил хуҫи каланӑ тӑрӑх, иртен-ҫӳрен килӗ умӗнче чарӑнса тӑрать, сӑн ӳкерӗнет. Кун пирки «Чӑваш Ен» ПТРК корреспонденчӗ Вероника Павлова сюжет ӳкернӗ. Тӗплӗнрех паллашма пултаратӑр: https://vk.com/chuvash_selo?w=wall-163599942_12634. Хыпар ҫӑлкуҫӗ:
|
|
Персона
 www.cap.ru сӑнӳкерчӗкӗ Паян – Раҫҫейри пичет кунӗ. Чӑваш Ен Элтепере Олег Николаев «журналистсене, фотокорреспондентсене, верстальщиксене, редакторсемпе тӗп редакторсене – информацие хатӗрлесе сарма хутшӑнакан тата ӑна республикӑра пурӑнакансем патне ҫитерсе тӑракан мӗн пур ҫынна» Раҫҫей тата Чӑваш пичечӗн кунӗсемпе саламланӑ. «Сирӗнтен нумайӑшӗ пӗтӗм пурнӑҫне халалланӑ пархатарлӑ ӗҫӗр чӑннипех пысӑк яваплӑ. Професси ӑсталӑхӗ, анлӑ тавра курӑм, ҫынпа хутшӑнма тата тишкерӳ тума, информацин анлӑ юхӑмӗнче чи пӗлтерӗшлине тата ҫынсене кирлине шыраса тупма пӗлни, кӑткӑс темӑсене пурте ӑнланмалла уҫса пама пултарни – ҫакӑ пурте сирӗн ӗҫӗр пире, республикӑра пурӑнакансене, питӗ кирлине кӑтартса парать. Сире пула эпир тӗнчере, ҫӗршывра тата республика пурнӑҫӗнче пулса иртекен пулӑмсене тӗрлӗ енлӗн те тӗрӗс хак пама пултаратпӑр, тӗплӗн шухӑшласа пӗтӗмлетӳсем тӑватпӑр, хамӑра пурнӑҫра кирлӗ информаципе усӑ куратпӑр», — тенӗ саламра. Хыпар ҫӑлкуҫӗ:
|
|
Ҫутҫанталӑк
 Ку эрнере хӗлле хӑйӗн правине илме тӑрӑшӗ. Юнкун, эрнекун тата вырсаникун юр ҫӑвӗ. Гидрометцентр малтанлӑха палӑртнӑ тӑрӑх, Шупашкарта нӳрӗкӗн ҫур уйӑх норми ӳкме пултарӗ. Ҫапла юр хулӑнӑшӗ 7-12 сантиметр ӳсӗ. Кӑшарни кӑҫал ӑшӑ килӗ: 0 градус пулӗ. Ҫитес эрнере сивӗтмелле: термометр 15-20 градус кӑтартӗ, хӗвел тухӗ. Хыпар ҫӑлкуҫӗ:
|
|
Пӑтӑрмахсем
 cheb.ru сӑнӳкерчӗкӗ Шупашкарта пурӑнакан Софья Головина блогер Челепир тӑрӑхӗнчи блогерпа судлашнӑ. Тавӑҫа вӑл асӑннӑ тӑрӑхри Арбитраж судне тӑратнӑ. Софья мобильлӗ телефонпа видеосем ӳкерме вӗрентекен тиктоксем ӳкернӗ. Ӑна миллион ҫын таран пӑхнӑ. Ҫав вӑхӑтрах Катав-Ивановск хулинчи Лилиана Соколовская Шупашкар хӗрӗн тексчӗсене вӑрланӑ, ҫӑвӑн пек видеосем ӳкерсе хӑйӗн тиктокне тытса пынӑ. Челепирти блогерӑн посчӗсене нумаях ҫын пӑхман-ха, 4 пин таран кӑна. Лилиана хӑйӗн «автор» курсне пуҫарса янӑ. Онлайн-марафоншӑн подписчиксенчен вӑл 2,5 пинрен пуҫласа 300 пин тенке таран илнӗ. Софья Лилианӑран 200 пин тенкӗ шыраса илнӗ. Хыпар ҫӑлкуҫӗ:
|
|
Ҫутҫанталӑк
 Чӑваш Енри страхлакан организацисенчен тата водительсенчен тискер чӗрчунсене таптаса кайнӑшӑн 1 миллион тенкӗ шыраса илнӗ. Пӗлтӗр пирӗн республикӑра 51 чӗрчуна таптаса кайса вӗлернӗ. Тискер чӗрчунсене ҫул-йӗр ҫинчи инкек вӑхӑтӗнче вӗлерсен штрафлаҫҫӗ. Ун пек приказа Раҫҫейӗн Ҫутҫанталӑк министерстви кӑларнӑ. Штраф виҫи чӗрчунтан килет: пӑши – 80 пин тенкӗ; пархатарлӑ пӑлан – 70 пин тенкӗ; упа (чӑпар пӑлан, лань, сайгак) – 60 пин тенкӗ; косуль – 40 пин тенкӗ; хир сысни – 30 пин тенкӗ; пурӑш – 12 пин тенкӗ; мулкач (песец, корсак, норка, тискер кролик, хур) – 1 000 тенкӗ. Хыпар ҫӑлкуҫӗ:
|
-8.7 °C