|
Чӑвашлӑх
 culture.cap.ru сӑнукерчӗкӗ Кӑрлач уйӑхӗн 22-мӗшӗнче Чӑваш патшалӑх культурӑпа ӳнер институтӗнче «Чувашский национальный танец: обработка и сохранение фольклорных традиций» (чӑв. Чӑваш наци ташши: илемлетесси тата фольклор йӑли-йӗркине упраса хӑварасси) республика шайӗнчи ҫавра сӗтел иртнӗ. Мероприятие республикӑри опытлӑ балетмейстер Людмила Нянина ертсе пынӑ. Вӑл Чӑваш патшалӑх культура институтӗнче преподавательте ӗҫлет. Ҫавра сӗтеле ача-пӑча ӳнер шкулӗсен педагог-хореографӗсем пуҫтарӑннӑ. Вӗсене ӑстасен ташшисене кӑтартнӑ, вӑл е ку хускану мӗне пӗлтернине каласа панӑ. Хыпар ҫӑлкуҫӗ:
|
|
Пӑтӑрмахсем
 Инкеклӗ лару-тӑру министерстви тунӑ сӑн Ҫӗмӗрле хулинче 4 ҫулти арҫын ача шӑрпӑкпа выляса реанимацие лекнӗ. Ку инкек кӑрлачӑн 22-мӗшӗнче Интернационалистсен урамӗнче пулнӑ. Унта 20 сехетре икӗ пӳлӗмӗ хваттер ҫунма тытӑннӑ. Амӑшӗ тӗпелте чухне ача залра шӑрпӑкпа вылянӑ иккен. Хӗрарӑмпа ачине 32 ҫулти арҫын подъездран илсе тухнӑ. Виҫҫӗшӗ те тӗтӗмпе наркӑмӑшланнӑ. Амӑшӗпе ывӑлне пульницӑна илсе кайнӑ. Арҫынна та тухтӑрсен пулӑшӑвӗ кирлӗ пулса тухнӑ. Хыпар ҫӑлкуҫӗ:
|
|
Персона
 "Контактри" сӑн Комсомольски округӗнчи Чурачӑк ялӗнче пурӑнакан Петрпа Зинаида Герасимовсем ылтӑн туйне паллӑ тунӑ. Петр Исаевич шкул хыҫҫӑн Казахстанра тракториста вӗреннӗ, яла таврӑнсан «Заветы Ильича» колхозра вӑй хунӑ. Кайран чылай вӑхӑт почта уйрӑмӗнче водительте тӑрӑшнӑ, тивӗҫлӗ канӑва тухсан Комсомольскинчи вӑрман хуҫалӑхӗнче тӑрӑшнӑ. Зинаида Михайловна Ҫӗнӗ Выҫли ялӗнче ҫуралнӑ. Шкул хыҫҫӑн «Дружба» колхозра вӑй хунӑ, кайран – строительство организацийӗнче штукатур-малярта. Шӑпах ҫавӑнта паллашнӑ вӑл пулас упӑшкипе. Пӗрлешнӗ хыҫҫӑн мӑшӑр Комсомольскинче тӗпленнӗ. Герасимовсем виҫӗ хӗр ҫуратса ӳстернӗ. Халӗ вӗсен – 11 мӑнук, 2 кӗҫӗн мӑнук. Хыпар ҫӑлкуҫӗ:
|
|
Вӗренӳ
 Александр Степанов сӑнӳкерчӗкӗ Паян Шупашкарта «Чӑваш чӗлхине чи лайӑх вӗрентекен — 2025» конкурс пуҫланнӑ. Конкурса хула шайӗнче ирттереҫҫӗ. Конкурсӑн жюри членӗ Елена Перепелкина «Хыпар» издательство ҫуртне пӗлтерне тӑрӑх, конкурс нумай ҫул хушши иртет. «Ҫултан ҫул пирӗн питӗ пултаруллӑ учительсем палӑрса пыраҫҫӗ ҫак конкурс хыҫҫӑн. Тӗслӗхрен, Александр Марсович ҫинчен илтнӗ пулӗ. Пӗлтӗр Николаева Людмила ҫӗнтерчӗ. Эпир вӗсемпе савӑнатпӑр. Пирӗн ачасен пуласлӑхӗ чӑваш чӗлхине кам вӗрентнинчен, мӗнле вӗрентнинчен питӗ нумай килет. Ача чӑвашла калаҫса каясси, паллах, вӑл ҫемьерен пуҫланать. Анчах та шкулта мӗнле вӗрентеҫҫӗ ачана, ҫавӑнтан вӑл татах хавхаланать, пурнӑҫ ҫулӗпе малалла утнӑ чухне чӑваш чӗлхипе тата ытларах усӑ курма пуҫлать. Учительтен питӗ нумай килет», — тенӗ вӑл Нина Царыгина журналиста. Хыпар ҫӑлкуҫӗ:
|
|
Республикӑра
 cap.ru сӑнӳкерчӗкӗ. Ӗҫлӗ ҫулҫӳреврен Ӗнер Вӑрнар округӗнче Чӑваш Ен Правительствин кунӗ иртнӗ. Республика Элтеперӗ ӗҫлӗ ҫулҫӳреврен таврӑннӑ хыҫҫӑн округра ҫитес вӑхӑтра шӑнтнӑ фри ҫӗрулми кӑларма тытӑнассине пӗлтернӗ. Сӑмах май, ҫулталӑк ҫурӑ каялла чипс кӑларма тытӑннӑ, Комсомольски округӗнче темиҫе ҫул каялла ҫӗрулмине типӗтме пуҫланӑ. Палӑртмалла: хальхи вӑхӑтра Вӑрнар округӗнче 13 инвестици проектне пурнӑҫлама хатӗрленеҫҫӗ. Пӗтӗмпе – 2,3 миллиард тенкӗлӗх. Хыпар ҫӑлкуҫӗ:
|
|
Хулара
 "Про Город" сайтӗнчи сӑн Паян 5 арҫын Атӑл ҫинче пулӑ тытнӑ чухне инкеке лекнӗ. Ахӑртнех, хӑйсем те сисмен – пӑр катӑлса вӗсене шыв юххипе илсе кайнӑ. Вӗсем патне ҫӑлавҫӑсем аэрокимӗпе ҫитнӗ. Юрать-ха, ҫӑлнӑ, ҫыран хӗррине илсе тухнӑ. «Ҫавӑн пек ҫанталӑк пирӗн. Кун пеккине пӗрремӗш хут куратӑп. Курӑр-ха, Атӑл ҫинче мӗн пулса иртет. 15 градус сивӗ», – тенӗ ҫакна курнӑ ҫын. Хыпар ҫӑлкуҫӗ:
|
|
Культура
 chuvdram.ru сӑнӳкерчӗкӗ Чӑваш патшалӑх академи драма театрӗнче Пётр Осипов драматург, театрӑн пӗрремӗш актерӗсенчен пӗри ҫуралнӑранпа 125 ҫул ҫитнине халалласа «Сурхури сӑри» спектакль кӑтартӗҫ. Театрта пӗлтернӗ тӑрӑх, «пьесӑра пулса иртекен пӑтӑрмахсем 1917 ҫулхи революци саманипе ҫыхӑннӑ пулсан та, тӗп вырӑнта чӑваш ялӗнчи ҫынсен хутшӑнӑвӗсем. Унӑн жанрне «детективлӑ триллер» теме те пулӗ. Режиссерпа художник, композитор сюжетри вӑхӑтпа усӑ курса, халӑхӑн илемлӗ йӑлисене кӑтартма шутланӑ. Ку вара хальхи куракансемшӗн ҫав тери кӑсӑклӑ». Ку ӗҫе режиссёр ҫуралнӑранпа 120 ҫул ҫитнӗ тӗле хатӗрленӗ пулнӑ. Унӑн режиссёрӗ — Наталья Сергеева, художникӗ — Наталья Зверева, музыкине Лолита Чекушкина ҫырнӑ. Спектакле кӑрлач уйӑхӗн 27-мӗшӗнче кӑтартӗҫ. Хыпар ҫӑлкуҫӗ:
|
|
Ҫутҫанталӑк
 Паян ирхине республикӑра 15-18 градус сивӗ пулнӑ. Анчах ҫил ҫурҫӗр-хӗвеланӑҫ енчен вӗрнипе 28 градус сивӗ пек туйӑннӑ. Синоптиксем пӗлтернӗ тӑрӑх, ыран ӑшӑтма пуҫлать. Анчах каллех ҫил вӑйланӗ, сивӗ пек туйӑнӗ. Кӑрлачӑн 29-мӗшӗ хыҫҫӑн республикӑра антициклон хуҫаланма тытӑнӗ: типӗ ҫанталӑк тӑрӗ, сывлӑш температури климат нормипе килӗшсе тӑрӗ. Гидрометцентр пӗлтернӗ тӑрӑх, ҫитес 10 кунра Чӑваш Енре 6 градус сивӗ тӑрӗ. Хальлӗхе «Чӑваш Енр ҫанталӑк» сайт ҫапла пӗлтерет: ҫуркунне сивӗ пулӗ. Ара, кӗркунне те, хӗлле те ӑшӑ ҫанталӑк тӑчӗ-ха та. Хыпар ҫӑлкуҫӗ:
|
|
Персона
 "Контактри" сӑн Вӑл алӑсӑр ҫуралнӑ, анчах ишме пултарать. Ӑмӑртусене хутшӑнса спорт мастерӗн кандидачӗ те пулса тӑнӑ. Ку сӑмахсем – Шупашкарта пурӑнакан 13 ҫулти Кирилла Александров пирки. Кирилл халӗ 2028 ҫулта иртекен Паралимпиадӑна хутшӑнма хатӗрленет. Ҫавӑнпа вӑл Мускава Раҫҫейӗн тава тивӗҫлӗ тренерӗ Сергей Жилкин патне хатӗрленме ҫӳрет. Хӑйӗн ӑнӑҫӑвӗсем пирки Кирилл телеграмм-каналӗнче пӗлтерсе тӑрать: «Несломленный пловец» ятлӑ вӑл. Хыпар ҫӑлкуҫӗ:
|
|
Персона
 culture.cap.ru сайтран илнӗ сӑнӳкерчӗк Нарӑс уйӑхӗн 19-мӗшӗнче Шупашкарта Никита Михайлков режииссёрпа тӗл пулу иртӗ. Унпа курнӑҫас тесен «Атӑл Опера» театра каймалла. Пултарулӑх каҫӗнче Никита Сергеевич ҫӗршывра тата тӗнчере пулса иртекен пулӑмсем пирки те каласа кӑтартӗ, «БесогонТВ» автор программин уйрӑм пайӗсене кӑтартӗ. Тата, паллах, хӑйӗн пултарулӑх ӗҫӗнчи аса юлнӑ самантсене аса илӗ. Тӗлпулу 18 сехет те 30 минутра пуҫланӗ. Ыйтса пӗлмелли телефон номерӗ 8 (8352) 58-00-96. Хыпар ҫӑлкуҫӗ:
|
+12.3 °C